Syrtqy ıster ministrı Ermek Köşerbaev AQŞ-ta ūstalǧan Qazaqstan azamaty Elaman Baltagereige qatysty pıkır bıldırdı, dep habarlaidy "Adyrna" ūlttyq portaly.
Ministrdıŋ aituynşa, Qazaqstan tarapy qoldanystaǧy zaŋnama aiasynda azamatqa qajettı konsuldyq qoldau körsetuge daiyn, alaida şeteldegı tergeu jūmystaryna aralasuǧa qūqyǧy joq.
«Bız zaŋnamada közdelgen şeŋberde kömek körsetemız. Tergeu äreketterıne aralasuǧa qūqyǧymyz joq. Qazır onyŋ kepılmen bosatylǧanyn bılemız. Būl belgılı bır deŋgeide ümıt ūialatuy mümkın», – dedı Ermek Köşerbaev.
SIM Qazaqstan azamatynyŋ öz qūqyqtaryn qorǧau üşın advokat jaldauǧa mümkındıgı bar ekenın atap öttı.
Būǧan deiın AQŞ-tyŋ köşı-qon jäne kedendık baqylau qyzmetı Elaman Baltagereidıŋ el aumaǧynda zaŋsyz jürgenın habarlaǧan bolatyn. Mekeme mälımetınşe, köşı-qon soty 2025 jyldyŋ jazynda ony AQŞ-tan şyǧaru turaly şeşım qabyldaǧan, alaida ol sot otyrysyna kelmegen. AQŞ tarapy qazaqstandyqty terrorizmge qatysy boluy mümkın nemese osyndai küdıkke ılıngen tūlǧa retınde ūstaǧany belgılı boldy. Qazırgı uaqytta Elaman Baltagerei kepılmen bosatylǧan, al ıs boiynşa qūqyqtyq räsımder jalǧasyp jatyr.
