Qazaqstan Aýǵanstanǵa azyq-túlik taýarlary bar júkti jetkizýge 101,5 mln teńge jumsady. Endi bul somany QR Indýstrııa jáne ınfraqurylymdyq damý mınıstrligine Úkimet rezervinen óteý tapsyryldy. Tıisti qaýly jobasy "Ashyq NQA" portalynda talqylaýǵa ornalastyryldy, dep habarlaıdy "Adyrna" ulttyq portaly.
Qazaqstannyń qarjy mınıstrligi Úkimettiń tótenshe rezervinen 101,5 mln teńge bólýge daıyn ekenin rastady.
Qazaqstan Aýǵanstanǵa 2020 jyldyń maýsym aıynda kómek kórsetti. QR Syrtqy ister mınıstrliginiń málimetinshe, sol kezde eki myń tonnaǵa jýyq joǵary surypty un, 500 tonna makaron, 400 myń lıtr ósimdik maıy jáne 200 myń banka sút konservileri jiberildi.
Aıta keteıik, dál sol jyldyń tamyzynda Qazaqstan Aýǵanstan men Ózbekstanǵa gýmanıtarlyq kómek jibergen edi. Buǵan qosymsha 16,1 mln teńge jumsaldy. Syrtqy ister mınıstrliginiń málimeti boıynsha, sol kezde Ózbekstanǵa myń tonna bıdaı uny, 250 tonna qaraqumyq jarmasy, 92 tonna sary maı jáne 19 tonna qoıýlandyrylǵan sút jiberildi, al tótenshe jaǵdaıǵa arnalǵan taýarlar Aýǵanstanǵa jóneltilgen.
"Adyrna" ulttyq portaly
