Qyzylorda oblysynda ejelgi petroglıfterdiń bir bóligi joıylyp ketý aldynda tur, dep habarlaıdy "Adyrna" tilshisi Habar 24 arnasyna siltep.
Saýysqandyq shatqaly, Qarataý bókterinen tabylǵan ejelgi jazý týrıster men demalýshylardy árqashan qyzyqtyryp kelgen. Arheologtar onyń joıylyp ketýine alańdaýly.
“Saýysqandyq petroglıfteriniń biregeıligi – olardy belgili bir ýaqytsha qabatqa engizý qıyn. Munda kóshpendiler mádenıeti, otyryqshy jáne andronov mádenıeti bar. Munda sýret salý tehnıkasynyń birneshe túri baıqalady. Biraq qazir bul petroglıfter joıylý aldynda tur”, – dedi arheolog Saǵymbaı Murǵabaev.
Shatqaldaǵy 10 myńǵa jýyq oqıǵa beınelengen tańbalar 7 shaqyrymǵa sozylady. Biregeı nysan IýNESKO-nyń búkilálemdik mura tizimine engen.
“Muraǵa 4 myń jylǵa jýyq ýaqyt bolǵan. Amorfty keskinder men sýret salý tehnıkasy qola dáýirinen bastalady. Petroglıfterdiń bul toby eń kóneleriniń biri bolýy múmkin. Aýmaqty qoryqqa aınaldyrý josparlanyp otyr. Bul týrıster arasynda úlken qyzyǵýshylyq týdyrady”, – dedi tarıh ǵylymdarynyń kandıdaty Nurlybek Myńjasov.
