Şielı audanynyŋ şyǧysyndaǧy Qaratau jotasynda ornalasqan Sauysqandyq şatqalyndaǧy petroglifter keşenı joiylyp ketudıŋ aldynda tūr, dep habarlaidy "Adyrna" ūlttyq portaly QazAqparatqa sıltep.
Būl turaly audandyq tarihi-ölketanu muzeiınıŋ ǧylymi qyzmetkerı Bekbolat Äbutegı mälımdedı.
473 gektar aumaqty alyp jatqan būl tarihi keşende b.z.d. II myŋjyldyqqa jatatyn 8–10 myŋǧa juyq jartas suretı bar.
«Būl beineler — ejelgı adamdardyŋ tūrmys-saltyn, nanym-senımın, aŋşylyq jäne şaruaşylyq äreketterın aiǧaqtaityn tarihi derek. Bıraq bügınde olardyŋ jaǧdaiy öte naşar. Tabiǧi faktorlar men öndırıstık äreketter kesırınen petroglifter bülınıp jatyr», — dedı Äbutegı.
Keşen ornalasqan aimaqqa jaqyn maŋda vanadii kenın jarylys arqyly öndıretın zauyt bar. Sol jarylystar men tabiǧi eroziia saldarynan jartas betterı sögılıp, tarihi taŋbalar bülınıp jatqany habarlandy.
«Eger şūǧyl şara qabyldanbasa, aldaǧy 4–5 jylda 4 myŋ jyldyq tarihymyzdan aiyrylyp qaluymyz mümkın», — dep eskerttı muzei qyzmetkerı.
