قىزىلوردا وبلىسىندا ەجەلگى پەتروگليفتەردىڭ ءبىر بولىگى جويىلىپ كەتۋ الدىندا تۇر، دەپ حابارلايدى "ادىرنا" ءتىلشىسى حابار 24 ارناسىنا سىلتەپ.
ساۋىسقاندىق شاتقالى، قاراتاۋ بوكتەرىنەن تابىلعان ەجەلگى جازۋ تۋريستەر مەن دەمالۋشىلاردى ارقاشان قىزىقتىرىپ كەلگەن. ارحەولوگتار ونىڭ جويىلىپ كەتۋىنە الاڭداۋلى.
“ساۋىسقاندىق پەتروگليفتەرىنىڭ بىرەگەيلىگى – ولاردى بەلگىلى ءبىر ۋاقىتشا قاباتقا ەنگىزۋ قيىن. مۇندا كوشپەندىلەر مادەنيەتى، وتىرىقشى جانە اندرونوۆ مادەنيەتى بار. مۇندا سۋرەت سالۋ تەحنيكاسىنىڭ بىرنەشە ءتۇرى بايقالادى. بىراق قازىر بۇل پەتروگليفتەر جويىلۋ الدىندا تۇر”، – دەدى ارحەولوگ ساعىمباي مۇرعاباەۆ.
شاتقالداعى 10 مىڭعا جۋىق وقيعا بەينەلەنگەن تاڭبالار 7 شاقىرىمعا سوزىلادى. بىرەگەي نىسان يۋنەسكو-نىڭ بۇكىلالەمدىك مۇرا تىزىمىنە ەنگەن.
“مۇراعا 4 مىڭ جىلعا جۋىق ۋاقىت بولعان. امورفتى كەسكىندەر مەن سۋرەت سالۋ تەحنيكاسى قولا داۋىرىنەن باستالادى. پەتروگليفتەردىڭ بۇل توبى ەڭ كونەلەرىنىڭ ءبىرى بولۋى مۇمكىن. اۋماقتى قورىققا اينالدىرۋ جوسپارلانىپ وتىر. بۇل تۋريستەر اراسىندا ۇلكەن قىزىعۋشىلىق تۋدىرادى”، – دەدى تاريح عىلىمدارىنىڭ كانديداتى نۇرلىبەك مىڭجاسوۆ.
