Sonymen, Taldyqorǵan mańaıyndaǵy tarıhı petroglıfterdi aıaýsyz joıyp jatqan kimder ekeni belgili boldy.
Tarıhı keshendi karerge aınaldyryp, qıyrshyq tas alyp jatqan “Temirbeton” óndiristik kompanııasy eken. Ol “ASPMK-519” holdınginiń quramyna kiredi.
Eń ókinishtisi, petroglıfter ornalasqan aýmaqty qurylys alańyna aınaldyrýǵa ruqsat bergender - tarıhshylar. Ol - “Qazarheologııa” JShS jáne onyń basshysy Juman Smaıylov, arheolog, tarıh ǵylymynyń kandıdaty.
Taldyqorǵandyqtar úgitilgen petroglıf tastardan salynǵan úıde turyp jatqanyn bile me eken?
“Temirbeton” óndiristik kompanııasy qıyrshyq tasty úı salýǵa paıdalanyp jatyr.
Olga Gýmırova bastaǵan ǵylymı volonterlar dabyl qaqqaly qanshama ýaqyt ótse de jaǵdaı túzeler emes.
Kezinde kóne Talhız qalashyǵynyń ústine avtojol salýǵa ruqsat bergen de osy JShS eken. Bul qalashyq IýNESKO mádenı mura tizimine engen.
Jaqynda bir halyqaralyq konferenııada sóılegen IýNESKO ókili qazaqstandyqtar kóne tarıhı murany joıýyn toqtatpasa tizimnen shyǵaratyndaryn tike aıtqanyn óz qulaǵymmen estigem. Sheteldik mamandardan uıat boldy.
Byltyr Arheologııa ınstıtýtynda ótken konferenııada osy salada 163 JShS bar ekeni aıtylǵan. Paıdasy bolmasa osynsha seriktestik quryla ma?
Ashkóz, tek paıda kózdegen kásipkerlerge tarıhı eskertkishtiń túkke keregi joq.
Álemde teńdesi joq petroglıfter keshenin saqtap qalý bárimizge syn.
Olga Nastıýkovanyń jýrnalıstik zertteýin Shishkin_like telegram-arnasynan oqı alasyzdar.
