Taldyqorǧanda petroglifter tabylǧan tauda jarylys jūmystary qaita bastaldy, dep habarlaidy "Adyrna" tılşısı.
Būl turaly qoǧam belsendısı Olga Gumirova Facebook paraqşasynda jazdy.
Onyŋ sözınşe Taldyqorǧan maŋynda Qyzyltas taularyndaǧy petroglifter bar. Alaida köne jazular, eskertkışter tabylǧan tauda "Temırbeton" serıktestıgı qaita jarylys jūmystaryn bastaǧan.
"Jaqynda Tasbaqa aimaǧynda jarylystar boldy, qalany dür sılkındırgendei jarylystar! Bızdıŋ erıktıler jarylys bolǧan jerdı tekserıp jatyr. Jarylys jūmystarynyŋ ülken eldı mekenge jaqyn jerde, qala şekarasynda jürgızılıp jatqanyn bırınşı ret estıp tūrmyn! Būl jalpy qauıpsızdık maqsatynda qolaily ma? Äkımdık pen Mädeniet ministrlıgınıŋ qyzmetkerlerı «Temırbeton» käsıpornyna diorit öndıruge rūqsat etılgen töbeden basqa jerde ekenın aitady", - dep jazǧan ol.Qoǧam belsendısı ärbır petroglifter el tarihyna qūndy ekenın aitady. Sondai-aq ol bır şara qabyldau kerektıgın aitady.
"Qyzyltas jotasynyŋ petroglifterı tarih, arheologiia jäne äleumettık mädeniet tūrǧysynan qyzyǧuşylyq tudyrady jäne Qazaqstannyŋ tarihi-mädeni mūrasy bolyp tabylady. Qola däuırınde qalyptasa bastaǧan bırtūtas keşen bolǧandyqtan jäne būl prosess HH ǧasyrdyŋ basyna deiın jalǧasqan Qyzyltas jotasynyŋ jeke bölıgı emes, bükıl aumaǧyna arnaiy arheologiialyq saraptama jürgızu qajet. Qyzyltas jotasynyŋ aumaǧynda ornalasqan barlyq arheologiialyq nysandardyŋ şekarasyn belgılep, küzet aimaqtaryn belgılep, ärbır nysanǧa tırkeu kartochkalaryn daiyndau qajet. Ǧylymi-zertteu jūmystary keşenı aiaqtalǧanǧa deiın Qyzyltas jotasynyŋ aumaǧynda şaruaşylyq qyzmettıŋ barlyq türlerın şekteu şaralaryn qabyldau qajet. Jaŋadan tabylǧan petroglifter men Qyzyltas jotasynyŋ eldı mekenderın jergılıktı maŋyzy bar Jetısu öŋırınıŋ tarih jäne mädeniet eskertkışterın aldyn ala esepke alu tızbesıne qosu qajet", - deidı Olga Gumirova.
Ūqsas jaŋalyqtar
