Aqmola oblysynda su basqan auyldar jaryq pen susyz qaldy, dep habarlaidy "Adyrna" tılşısı QazTag-qa sıltep.
Üşqarasu auylynyŋ tūrǧyndary ekı aptaǧa juyq uaqyt boiy jaryq pen susyz otyrǧanyn aitty.
«Aqmola oblysy, Jarqaiyŋ audany, Üşqarasu auyly. Bız qazırdıŋ özınde kömek sūrap jatyrmyz. 13-şı kün jaryqsyz, susyz, zeinetaqysyz otyramyz. Bızge eşkım eşteŋe jıbermeidı, tıptı bızdı eşkım estımeidı!» – dedı auyl tūrǧyndary beineündeuınde.Tūrǧyndar qazırdıŋ özınde azyq-tülık tausylǧanyn aitady. Jergılıktı atqaruşy organdar Üşqarasu tūrǧyndary bırınşı kezektegı qajettı zattarmen jäne önımdermen qamtamasyz etılgen dep sendıredı.
«Esıl özenı su deŋgeiınıŋ kürt köterıluıne bailanysty, sondai-aq erıgen sudyŋ äserınen mūzdar elektr tırekterın ūşyryp äkettı, sondyqtan 3 säuırden berı elektr quaty joq. Eldı mekennıŋ geografiialyq ornalasuyna bailanysty barlyq kıreberısterdı su basyp, tehnika men kölıkterdıŋ ötuıne kedergı keltıude», - deidı şeneunıkter.Sol sebeptı energetikter tırekterge jöndeu jūmystaryn jürgıze almaidy, degenmen şeneunıkter auylǧa aparatyn jol aşylyp, aimaqtardaǧy su deŋgeiı tömendei salysymen brigadalar elektr quatyn qalpyna keltıruge kırısetının aitady.
Ūqsas jaŋalyqtar
