Aqmola oblysynda Reseı azamaty áıeli men balasyn óltirip, jasyrynyp qalǵan, dep habarlaıdy “Adyrna” ulttyq portaly "Astana" arnasyna silteme jasap.
Roksana Haldeevanyń aıtýynsha, ótken jyldyń qazan aıynda ógeı ákesi men anasy Atbasarǵa balalaryn kórip kelý úshin attanǵan. Alaıda bir táýlikten keıin er adam qaıta oralyp, anasynyń balamen taǵy biraz bolatynyn aıtqan. Dál sol kúni keshke polıııa qyzmetkerleri Roksanaǵa anasy Elena Holdeevanyń qaza tapqanyn habarlaǵan. Qyz anasynyń ólimine ógeı ákesi kináli dep sanaıdy.
"Bala ashýlanyp, eshqaıda barǵysy kelmeı jylaǵan eken. Anam Atbasarda sińilimdi kóndirý úshin qalypty. Ákesi Reseıge issaparǵa baratynyn aıtyp, qaıta keldi de, birneshe kúrteshesin alyp ketti. Sol kúni túngi 23:00 shamasynda Atbasar aýdandyq ishki ister bólimi qyzmetkerleri anamnyń qaıtys bolǵanyn aıtty", - deıdi Roksana Holdeeva.
Roksana sińilisiniń budan eki jyl buryn qaza tapqanyn polıııa qyzmetkerlerinen estigen. Balanyń máıitin 2018 jyly Atbasarda káriz lıýginen tapqan. Roksana sińilisi men anasyn ógeı ákesi óltirgenine senimdi ekenin aıtady.
"Saraptama nátıjesi balanyń meniń sińilim ekenin kórsetti. Elena Haldeeva – 2018 jyly qaıtys bolǵan balanyń anasy. Biraq bul týraly eshkim bilmegen. Keıin eki qylmystyq isti biriktirip, Rýslanǵa halyqaralyq izdeý jarııalandy", - dep qosty Roksana.
Kúdikti Rýslan Nazmıev 7 qazanda Reseıdiń Qazan qalasynda tutqyndalǵan. Biraq Aqmola oblysy polıııa qyzmetkerleri halyqaralyq kelisim boıynsha Reseı azamatyn Qazaqstanǵa ekstradıııa jasaýǵa bolmaıtynyn aıtady.
"Qylmystyq istiń materıaldary Reseı Federaııasynyń quziretti organdaryna jiberilip, qylmystyq isti jalǵastyrý suraǵyn sheshý úshin Qazaqstan Respýblıkasy Bas Prokýroryna jiberý josparlanyp otyr", - dedi Aqmola oblysy Polıııa departamenti baspasóz qyzmetiniń basshysy Gúlnar Pınchýk.
Elena Haldeevanyń qaza tapqanyna 1 jyl bolǵan. Marqumnyń qyzynyń aıtýynsha, quqyq qorǵaý organdarynyń baıaýlyǵy kesirinen kúdikti Reseıde bostandyqqa shyǵyp ketýi múmkin.
