12 säuırde Täjıkstan prezidentı Emomali Rahmon Qazaqstan Prezidentı Qasym-Jomart Toqaevpen telefon arqyly söilestı. Prezidentter Qazaqstannyŋ bırqatar öŋırlerındegı köktemgı su tasqynyna bailanysty jaǧdaidy talqylady, dep habarlaidy “Adyrna” ūlttyq portaly Täjıkstan prezidentınıŋ baspasözıne sıltep.
Täjıkstan elınıŋ basşysy elımızdegı auqymdy su tasqynyna bailanysty qoldau bıldırdı.
Ol Qazaqstan ükımetınıŋ tabiǧi apat saldaryn oqşaulau jäne azaitu boiynşa qabyldap jatqan qajettı şaralardyŋ tiımdılıgı men maŋyzdylyǧyn atap ötıp, olardyŋ tez arada joiylatynyna senım bıldırdı.
Emomali Rahmon Täjıkstan Respublikasynyŋ Ükımetıne Qazaqstannyŋ zardap şekken audandarynyŋ halqyna azyq-tülık pen qajettı tauarlar türındegı gumanitarlyq kömek partiiasyn jıberuge şūǧyl daiyndaludy tapsyrǧanyn atap öttı.
Memleket basşylary qazaq-täjık yntymaqtastyǧyna qatysty mäselelerdı talqylap, ekı el arasyndaǧy ärtürlı formattaǧy tyǧyz özara ıs-qimyldy jalǧastyruǧa niettı ekenderın rastady, delıngen habarlamada.
Ūqsas jaŋalyqtar
