Tájikstan Eýrazııalyq ekonomıkalyq odan quramyna kirýden ashyq bas tartty, dep habarlaıdy "Adyrna" ulttyq portaly.
Dýshanbe bıligi Eýrazııalyq ekonomıkalyq odaqqa (EAEO) qosylý jaıyndaǵy máseleni qarastyrmaıdy. Bul týraly 7 maýsym, sársenbide, Tájikstan SIM-niń resmı ókili Shohın Samadı málimdedi.
Mınıstr Reseı Federaııasynyń Syrtqy ister mınıstri Sergeı Lavrovtyń bir kún buryn Tájikstanǵa jasaǵan saparyn sóz ete kelip, Tájikstannyń Eýrazııalyq odaqqa kirýge qulshynysy joq ekenin aıtty.
Esterińizge sala keteıik, Lavrov Ortalyq Azııany Kreml bıligi men "uıymdasqan Batystyń" qarsylasar jańa maıdan aımaǵy dep ataıǵan edi. Ári Reseı syrtqy ister mınıstri Tájikstannyń EAEO múshesi bolatynyna úmitti ekenin jetkizgen bolatyn.
Eýrazııalyq ekonomıkalyq odaqqa Reseıden basqa burynǵy KSRO-nyń tórt eli (Belarýs, Armenııa, Qazaqstan jáne Qyrǵyzstan) kiredi.
Oraıy kelgende aıta keteıik, Toqaev Eýrazııalyq ekonomıkalyq odaq (EEO) quramyndaǵy Reseı men Belarýstin orny erekshe ekenin aıta kelip, bul uıymda Qazaqstan, Qyrǵyzstan jáne Armenııa sııaqty ıntegraııanyń basqa deńgeıindegi memleketter de baryn eske salǵan edi. Buǵan qatysty:
Biz nazarǵa alýymyz kerek koneptýaldy shyndyq nemese erekshelik bar - bul Belarýs pen Reseıden turatyn Odaq. Bul odaqtyń tujyrymdamalyq jáne ıdeologııalyq negizi aıtarlyqtaı salmaqty. Bul qoǵam moıyndaǵan ózara mádenı, tildik, dinı biregeılik. Iaǵnı bir halyqtyń bar ekenin moıyndaý, – dep aıtqan bolatyn Qasym-Jomart Toqaev.
Al Ózbekstan bıligi men Tájikstan bıligi bul otyrysty syrttaı tamashalǵan edi.
"Adyrna" ulttyq portaly
