Bügın, 12 säuır Almaty qalalyq sotynda Ǧalymjan Jaqiianovtyŋ Tölen Toqtasynovqa qatysty talap aryzy boiynşa apelliasiialyq soty öttı. Azamattyq ıster jönındegı alqa Almaty qalasy Medeu audandyq sotynyŋ şeşımın özgerıssız qaldyrdy. Iаǧni, Ǧalymjan Jaqiianovtyŋ aryzyn qanaǧattandyrmady, dep habarlaidy “Adyrna” ūlttyq portaly.
Eske salaiyq, byltyr Almaty qalasy Medeu audandyq sotyna Pavlodar oblysynyŋ eks-äkımı Ǧalymjan Jaqiianov eks-deputat Tölen Toqtasynov pen onyŋ jūbaiy Alma Toqtasynovaǧa qatysty, iaǧni ortaq käsıptegı ülesıne jartylai tölem retınde öz erkımen tölegen aqşany öndıru turaly talap aryz tastaǧan bolatyn.
Iаǧni, Ǧalymjan Jaqiianov biznes serıktesınen ALGT moŋǧol kompaniiasyndaǧy ülesı üşın 462 myŋ dollardy qaitarudy talap etken. Ol tölemnıŋ 25%-yn ǧana tölegen. Jaqiianovtyŋ aituynşa, Toqtasynov ony satylyp jatqan üleske ielık etpegendıkten adastyrǧan körınedı.
Sot jarty jylǧa sozyp, qorytyndysy 16 qaŋtar künı jariialandy. Nätijesınde Tölen Toqtasynov jeŋıske jettı.
Alaida, sot şeşımıne qanaǧattanbaǧan Jaqiianov Almaty qalalyq sotyna aryzdanyp, apelliasiiaǧa bergen bolatyn.
Degenmen, bügıngı sot bırınşı instansiiadaǧy sottyŋ şeşımın özşgerıssız qaldyra otyryp, Jaqiianovtyŋ serıktestıktegı barlyq ısterden habardar bolǧanyn aitty. Alaida odan aldyn Jaqiianov serıktestıktegı şaruadan habarsyzbyn degen.
«N.İsaeva töraǧalyq etetın Almaty qalalyq sotynyŋ qūramyna zaŋdy jäne ädıl şeşım qabyldauda adamgerşılık pen obektivtılık tanytqandary üşın alǧys aitamyz!» - degen Alma Toqtasynova qarsylastary turaly aşyna söiledı.
Aita keteiık, Tölen Toqtasynov sot prosesıne qatysa almady. Qazır jaǧdaiy naşarlap, auruhanada em aluda. Būl turaly käsıpker, ärı ekı taraptyŋ dosy Ahmetbek Nūrsila Facebook paraqşasynda jazǧan edı.
«Tölen Toqtasynov dosym auyr nauqasqa ūşyryp qaldy. Ǧalymjan Jaqiianov pen Tagir Sisenbaev degen jasy ülken adamdarǧa "Ökpege qisa da, ölımge qimaityn qazaqtyŋ balasy edık, taǧdyry qyl üstınde tūrǧan, osy jaǧdaiǧa özderıŋ jetkızgen atpal azamatty öz qoldaryŋmen öltırgılerıŋ kelmese toqtatyŋdarşy" dep ölerdegı sözımdı aityp bırneşe hat jazdym.
Ǧalymjan da, Tölen de dosym. Bıraq "Platon menıŋ dosym, bıraq men üşın aqiqat qymbat" dep Sokrat aitqandai men aqiqat jaǧyna şyqtym. «Eldestırmek elşıden» dep osy ūrysty toqtatuǧa bar küşımdı saldym, basu aittym, bıraq bolmai jatyr, ökınışke qarai”, dep jazdy Ahmetbek Nūrsila.
Aita keteiık, būǧan deiın “Dostar dauy” arasyndaǧy tartystyŋ qalai bastalǧany jäne sot barysyn bırneşe ret jazǧan bolatynbyz.
