Reseıde sý tasqyny endi bastalǵan sııaqty. Onyń bizge áseri bar ma? Reseıdiń bizben shekaralas aımaqtarynyń aýa raıy bizden sýyq bolǵandyqtan, muz ben qar endi erip, ózen sýlary endi kóterile bastaǵandaı. Kúni keshe ǵana Orynbor oblysynyń Orsk qalasyndaǵy sý qoımasy jarylyp ketip, Orsk qalasyn sý shaıa bastady. Bul qala bizdiń shekaramyzdan 15-18 shaqyrymda jatyr eken. Edáýir úlken qala eken, 150 myńnan astam turǵyny bar. Qalanyń úsh aýdanynyń ekeýi sý astyna ketetin qaýip bar. Túnde sý basqanda úsh adam kóz jumyp, 6 adam joǵalyp ketipti. 4 myńnan astam úı bir túnde sýǵa ketken.
Orsk qalasy ǵana emes, Orynbor qalasynyń shetkeri aýdandaryna da sý kire bastaǵan. Myńdaǵan adamdy qaýipsiz aımaqqa ketýge shaqyrýda. Kóshkisi kelmeıtinderdi polıııamen kúshtep evakýaııalaý bastalǵan.
Bul eki qala da Ýral ózeniniń boıynda jatyr. Ýralymyz Jaıyq qoı. Ózderi de Iaık deıtin, qazir Ýral deıdi. Ózenniń sýy qazir 9,3 metrge jetken, túnde ǵana 7 metr edi. Sumdyq sý kelip jatyr. Bul sý Qazaqstanǵa jete me, joq pa belgisiz. TJM Orsk dambasynyń jarylýynan týyndaǵan sý Qazaqstanǵa jete qoımaıtynyn aıtqan, reseılik sarapshylar da solaı deıdi. Alaıda Jaıyq sýynyń kóterilýi áser etýi múmkin-aý. Oǵan qatty daıyndalý qajet.
Jalpy Reseı aımaqtaryndaǵy sý tasqyny soltústigine qaraı jyljyp barady eken. Óıtkeni aýa raıy ońtústikten soltústikke qaraı jylynyp keledi. Chelıabi, Altaı, Omby, Samara, Novosibir aımaqtarynda da sý tasqyny bastalǵan. Ózender sýy kóterilip jatyr eken. Reseı aqparat kózderi Orynbor aımaǵyndaǵy sý tasqynyn sońǵy bir ǵasyrda bolmaǵan tasqyn dep jazýda. Marıı Elde de sý qoımasy jarylǵan degen aqparat bar, alaıda bul naqty emes.
Ashat Kasengali
