Duşanbe qalasynda Resei prezidentı Vladimir Putin men Äzerbaijan prezidentı İlham Alievtıŋ alǧaşqy resmi kezdesuı öttı. Būl ekı el basşylarynyŋ soŋǧy bır jyl ışındegı alǧaşqy tolyqqandy kelıssözı bolyp otyr, dep habarlaidy "Adyrna" ūlttyq portaly.
Kezdesu barysynda Vladimir Putin ötken jyldyŋ jeltoqsanynda bolǧan äue apatyna Reseidıŋ qatysy bar ekenın moiyndady.
Resei prezidentınıŋ aituynşa, äue apaty kezınde ekı zenittık zymyran äzerbaijandyq jolauşylar ūşaǧyna bırneşe metr qalǧanda jarylǧan. Būl mälımdeme Äzerbaijan tarapynyŋ ūzaq uaqyttan bergı talaptarynyŋ bırı bolatyn.
Putin Täjıkstanǧa memlekettık saparmen kelgen. Onyŋ aiasynda TMD memleket basşylary keŋesınıŋ otyrysyna qatysu jäne bırqatar ekıjaqty kezdesuler ötkızu josparlanǧan.
«İnterfaks» agenttıgınıŋ habarlauynşa, Putin men Aliev soŋǧy ret 2024 jyldyŋ qazan aiynda jüzdesken. Biyl qyrküiekte olar ŞYŪ sammitı aiasynda Qytaida qysqaşa ǧana söilesken, bıraq tolyqqandy kelıssöz jürgızılmegen.
Sondai-aq, ekı el köşbasşylarynyŋ telefon arqyly bailanysy da sirek bolǧan. Soŋǧy ret 7 qazanda Aliev Putindı tuǧan künımen qūttyqtau üşın habarlasqan, al oǧan deiın nauryz aiynda söilesken.
Eske salaiyq, AZAL äue kompaniiasynyŋ jolauşylar ūşaǧy byltyr 25 jeltoqsanda Aqtau qalasyna jaqyn maŋda apatqa ūşyraǧan edı. Ūşaq bortynda bolǧan 67 adamnyŋ 38-ı qaza tauyp, 29-y aman qaldy. Aldyn ala mälımetter boiynşa, ūşaq Reseidıŋ äue keŋıstıgınde, Groznyi qalasynyŋ üstınde syrtqy fizikalyq jäne tehnikalyq äserdıŋ saldarynan apatqa ūşyraǧan.
