M.Äuezovtıŋ qyrǧyz tılındegı latyn ärpımen jazylǧan «Kök qasqyr» şyǧarmasy tabyldy, dep habarlaidy "Adyrna" ūlttyq portaly Egemen.kz saityndaǧy materialǧa sıltep.
Frunze qalasyndaǧy «Kirgosizdat» tipografiiasynan 10.000 danamen jaryqqa şyqqan 35 bettık şyǧarma 1928 jyly jariialandy. Būl turaly A.Qūsaiynov atyndaǧy Euraziia gumanitarlyq institutynyŋ dosentı, filologiia ǧylymdarynyŋ kandidaty Laura Däurenbekova bylai jazdy:
"2023 jyldyŋ küz aiynda Äl-Farabi atyndaǧy Qazaq ūlttyq universitetınıŋ dosentı, filologiia ǧylymdarynyŋ kandidaty Erkıngül Soltanaeva ekeumız ǦJBM Ǧylym komitetı qarjylandyratyn AR19679312 «Alaş qairatkerlerınıŋ audarma eŋbekterındegı adamzatqa ortaq qūndylyqtar» ǧylymi jobasy aiasynda ıssaparmen Qyrǧyzstan Respublikasynyŋ Memlekettık Ortalyq arhivıne baryp, atalǧan arhivten M.Äuezovtıŋ qyrǧyz tılındegı latyn ärpımen jazylǧan «Kök qasqyr» şyǧarmasyn kezdestırgen edık" deidı ol.
Kıtaptyŋ artynda qyrǧyz tılınde qoljazba da tırkelgen. Laura Däurenbekova bastapqyda būl şyǧarmany M.Äuezovtıŋ «Kökserek» şyǧarmasynyŋ qyrǧyz tılındegı audarmasy dep oilap qalǧan. Alaida:
"Kıtaptyŋ mūqabasynda «M.Auezov. Seryi volk. Detskii rasskaz. Na kirgizskom iazyke» dep berılıptı. Kıtaptyŋ artyna şyǧarmanyŋ qyrǧyz tılındegı qoljazbasy bırge tırkelgen. Bıraq qyrǧyz tılıne kımnıŋ audarǧany jazylmaǧan. Kıtap qyrǧyz tılınde bolǧandyqtan, asyqpai tanysuymyz kerek boldy. Basynda būl şyǧarmany M.Äuezovtıŋ «Kökserek» şyǧarmasynyŋ qyrǧyz tılındegı audarmasy dep oiladyq. Keiın tanysa kele, mülde basqa şyǧarma ekenıne közımız jetıp, M.Äuezovtıŋ barlyq şyǧarmasyn qaita qarap şyqtyq" dep jazdy ol.
Avtor qolda bar kıtapty qazaq tılıne audaru josparlanyp jatqanyn aitty.
"Qolymyzdaǧy nūsqany qazaq tılıne audaryp, bastyru josparymyzda bar. Qyrǧyz respublikasy Memlekettık Ortalyq arhivınen kıtapty, tıptı audarmanyŋ qoljazbasyn da aldyryp, M.Äuezov atyndaǧy Ädebiet jäne öner instituty «Äuezov üiı» ǧylymi-memlekettık ortalyǧyna tapsyrylsa qūndy bolar edı" dep qosty ol.
Ūqsas jaŋalyqtar
