5 qyrküiek künı Almaty qalasynyŋ Äuezov audanyndaǧy Iаssaui köşesıne jaŋa asfalt töselgen bolatyn. Alaida alǧaşqy jauynnan keiın jol jabyny opyrylyp kettı, dep habarlaidy «Adyrna» tılşısı.
Äkımdıktıŋ baspasöz qyzmetı būl jaǧdaiǧa tüsınıkteme berdı.
«17 qyrküiek künı taŋerteŋ Iаssaui köşesınıŋ Dastan köşesımen qiylysynda jol jabynynyŋ şamamen 100 şarşy metr aumaqtaǧy bölıgı opyryldy. Būǧan deiın «Speskommunstroi» merdıger ūiymy ūzyndyǧy 2,8 şaqyrym bolatyn kärız jelılerın salu jūmystaryn atqarǧan bolatyn. Jürgızılgen tekseru barysynda nöser jauyn kezınde abonenttık jelıler tranşeialarynyŋ şaiyluy jäne topyraq negızınıŋ jūmsaruy anyqtaldy. Sonyŋ saldarynan jol jabyndysynda oiyq paida bolyp, asfalttyŋ tūtastyǧy būzylǧan. Qazırgı uaqytta jol tösemın qalpyna keltıru jūmystary jürgızılıp jatyr»,—delıngen habarlamada.
Jöndeu jūmystary 18 qyrküiekte aiaqtalady dep josparlanyp otyr.
«Atalǧan jobanyŋ tehnikalyq qadaǧalau qyzmetı jūmystardyŋ Qūrylys normalary men erejelerı jobalyq talaptarǧa säikes oryndalǧanyn habarlady. Qazırgı taŋda sebepterdı anyqtau maqsatynda qosymşa tekseru jürgızılıp jatyr. Iаssaui köşesındegı asfalt jabynynyŋ oiylu sebepterın naqtylau üşın Qalalyq qūrylys baqylau basqarmasyna sūrauhat joldandy. Sebebı topyraqtyŋ dūrys nyǧyzdalmauy yqtimal nūsqa retınde qarastyrylyp otyr. Onyŋ naqty sebebı tekseru nätijesınde belgılı bolady»,—dep tolyqtyrdy äkımdıktıŋ baspasöz qyzmetı.
