Búgin Úkimet otyrysynan keıin sý tasqynyna baılanysty baspasóz máslıhaty ótti, dep habarlaıdy "Adyrna" portaly.
Jıynda Sý resýrstary jáne ırrıgaııa mınıstri Nurjan Nurjigitovke «Sizdi Jambyl oblysy ákimi bolǵannan beri jaqsy bilemiz. Ol jaqsta da ózińiz isker ákim retinde kórine qoıǵan joqsyz. Sý mınıstri retinde laýazymdy qyzmet atqaryp jatyrsyz. Keshe prezıdentten sógis estidińiz. Siz ózińizdi Sý mınıstri bolýǵa laıyqtymyn dep esepteısiz be?» degen suraq qoıyldy.
- Ózińiz durys aıttyńyz. Búgingi kúni Prezıdent tarapynan tártiptik jaýapkershilikke tartyldyq. Ary qaraı osy jumysqa laıyqty nemese laıyqty emes ekenim boıynsha Prezıdent sheshim qabyldaıdy. Biz jumysty qalaı atqaryp jatqanymyzdy Prezıdent baǵalaıdy, - degen mınıstr jaýabynda haly, el aldyndaǵy jaýapkershilik týraly toqtalyp jatpady.
- Búgingi kúni mınıstrliktiń jumysy tótenshe jaǵdaıǵa baılanysty onyń saldaryn joıýǵa baǵyttalyp otyr. Alty aıdyń ishinde biz quqyqtyq bazany qalyptastyrdyq. Búgingi ár jergilikti atqarýshy organmen qandaı jumystardy atqarýymyz kerek, qandaı kólemde ekeni jaıly josparlarymyz bar. Alty aıdyń ishinde sol aýqymdy jumystardy atqarýǵa eshqandaı múmkindik bolǵan joq. Qyrkúıek aıynan bastap osy búgingi kúnge deıin múmkindik bolmady, - degen Sý mınıstri mınıstrlik saıtyndaǵy málimetterdi tizbelep ketti.
Onyń aıtýynsha, búgingi kúni 20 sý qoımasyn salý josparlanyp otyr.
- Men baıandamda aıtyp ketkendeı, 9 sý qoımanyń jobalaýshy josparlary daıyndalyp jatyr. Altaýy birinshi jarty jyldyqta daıyn bolady. Odan bólek 15 qorǵanysta bar gıdrotehnıkalyq qurylǵylardyń qaıta jóndeý jumystaryn qarastyryp jatyrmyz. Osy jumystardyń arqasynda 134 eldi-mekenniń, jalpy sany eki júz myń asatyn halyqqa sýdan tónetin qaýipti tómendetýge múmkindik bolady. Árıne, oǵan ýaqyt kerek. Sol jumystardy jedeldetýge kúsh salyp jatyrmyz», – dedi ol.
Eske sala keteıik, sala mınıstri ótken aptada Prezıdentten qatań sógis alǵan.
