Búgin jańózendikterdiń talabyna qatysty premer-mınıstrdiń orynbasary Altaı Kólginov arnaıy pikir bildirdi. Úkimet otyrysynan keıingi jıynda Altaı Kólginov máselesiniń astarynda tender múddesiniń bar ekenin "baıqaǵanyn aıtyp", barlyǵyn zań aıasynda sheshýdi usyndy, dep habarlaıdy "Adyrna" ulttyq portaly.
Jańaózendik jumysshylardyń talaby týraly pikirinde:
«Munyń bári – kelissióz máselesi. Bári zań aıasynda sheshilýi kerek. Olar tenderden utylǵan kompanııa qaıtadan utyp shyqqanyn qalaıdy. Biraq, bul múmkin emes. Bárin zań aıasynda júrgizý kerek. Tender talaptary bar, máseleni sot tártibimen nemese zańdy negizde qaraý qajet. Jaı ǵana talap etý – jumsaqtap aıtqannyń ózinde durys emes. Bizdiń mindet – olarǵa qolda bar bos jumys oryndaryn usyný. Memlekettik organdar qazir solaı istep te jatyr», - dedi vıe-premer.
Jıynda jýrnalıster kompanııa lobbıine qatysty kúdiktiń kóp kókeıinde júrgenin de buǵyp qalmady. BAQ ókilderi «Jumysshylar talaby tenderden utylǵan jumys berýshi kompanııanyń lobbıi bolýy múmkin be?» degen saýal qoıdy. Oǵan qatysty:
«Bul lobbı me, ol jaǵyn ashyp aıta almaımyn. Bárin zań aıasynda qaraý kerek. Ýákiletti organdar kelissióz qorytyndysy boıynsha aqparat beredi. Munyń bárin ásireleı berýge bolmaıdy. Faktiler boıynsha qaraıyq. Adamdardyń talaptaryn memlekettik organdar estip otyr. Ózderinde bar ókilet aıasynda usynystaryn aıtyp jatyr», - dedi Altaı Kólginov.
Oqyrman úshin oraıy kelgende aıta keteıik, Jańaózendegi "BerÁli Mańǵystaý Company" kásipornynyń jumystan qysqarǵan 82 jumysshysy 10 sáýir kúni Astanaǵa kelip, energetıka mınıstrligine bardy. Olar mınıstrlikten jumys máselesin durys sheshýdi talap etedi. Jumystan qaǵylǵan jańaózendikter máselemiz sheshilmese, mınıstrlik aldynan ketpeımiz dep otyr.
"Adyrna" ulttyq portaly
