Memleket basşysy Qasym-Jomart Toqaev AES qūrylysyn tezdetu keregın aityp, elde iadrolyq klaster qūru ısın qolǧa aludy tapsyrdy. Sondai-aq taǧy bır AES salynatyn oryndy ūsynudy tapsyrdy, dep habarlaidy ”Adyrna” ūlttyq portaly.
«Energetikany damytu jäne iadrolyq klaster qūru. Elımız özın özı elektr energiiasymen tolyq qamtamasyz etıp, 15-20 paiyz şamasynda rezerv qalyptastyruǧa tiıs. Būl – Ükımettıŋ aldynda tūrǧan mındet. Sondyqtan aldaǧy ekı jylda kemınde 3 gigavattyq jaŋa quat közderın ıske qosu qajet. Būl – aldyŋǧy jyldardyŋ körsetkışınen 2,5 esedei artyq meje»,- dedı Prezident.
Toqaev kömırtegı beitaraptyǧyna qol jetkızu turaly strategiialyq baǧdar özgermeitının atap öttı. Sondai-aq qolda bar tabiǧi bailyqtar men mümkındıkterdı ūtymdy paidalanu qajettıgın eske saldy. Memleket basşysy Qytai men Oŋtüstık Koreianyŋ kömır stansalaryn ülgı etıp, mysalǧa aldy.
«Qytai men Oŋtüstık Koreiada ziiandy şyǧaryndylary az, jaŋa buyn kömır stansalary tabysty jūmys ıstep tūr. Ökınışke qarai, kezınde Balqaşta kömır elektr stansasy salynbai qaldy. Sonyŋ kesırınen bız myqty quat közınen airylyp qaldyq. Al ondai stansa bızge qazırgı taŋda artyq bolmaityn edı»,- dep tolyqtyrdy memlekket basşysy.
Prezident elde energiia tapşylyǧy artyp kele jatqanyn taǧy bır märte eske salyp öttı. Sol sebeptı AES qūrylysyn barynşa jedeldetudı tapsyrdy.
«Jalpy elımızde iadrolyq klaster qūru ısın qolǧa alu kerek. Būl elımızdıŋ bolaşaqta oidaǧydai damuyna qatysty asa maŋyzdy mındet. Ükımetke «Samūryq-Qazyna» qorymen bırlesıp, atom salasyn damytudyŋ ūzaq merzımge arnalǧan josparyn äzırleudı tapsyrdym. Naqty nätije kerek. Jan-jaqty taldau jürgızıp, atom elektr stansalaryn saluǧa barynşa qolaily jerlerdı, sondai-aq zamanaui jäne qauıpsız tehnologiialardy anyqtau qajet»,- dedı Toqaev.
Qasym-Jomart Toqaev Ükımet pen Parlamentke ekınşı iadrolyq stansany qai aimaqta salu qajet ekenı jönınde özıne ūsynys beruın tapsyrdy. Söz soŋynda Qazaqstanǧa iadrolyq quat kerek ekenın, onsyz melmleket keleşekte oidaǧydai damymaitynyn atap öttı.
Ūqsas jaŋalyqtar
