Memleket basşysy Qasym-Jomart Toqaevtyŋ töraǧalyǧymen Qazaqstan halqy Assambleiasynyŋ «Bırlık. Jasampazdyq. Örleu» atty HHHIII sessiiasynyŋ otyrysy bastaldy. Būl turaly Aqorda mälımdedı, dep habarlaidy “Adyrna” ūlttyq portaly.
Prezident elımızdıŋ bırqatar öŋırınde su tasqyny saldarynan qalyptasqan kürdelı jaǧdaidy eskere otyryp, biylǧy sessiiany onlain-formatta ötkızu turaly şeşım qabyldaǧan bolatyn.
Memleket basşysy jiyn barysynda tabiǧat apattarymen küresetın şaralar turaly aita kettı.
«Apattarǧa qarsy kürestıŋ tiımdı jüiesın qūrudy közdeitın kürdelı şarua şeşımın tabuy kerek. Sondyqtan tabiǧat apattarymen küresetın pärmendı şaralar qabyldau üşın memleket pen ǧylymnyŋ yqpaldastyǧyn ıs jüzınde qaitadan tüzu qajet.
Menıŋ tapsyrmammen Tarazdaǧy Qazaq gidromeliorasiia-qūrylys instituty qaita qūrylady. Sondai-aq Almatydaǧy Seismologiia institutynyŋ äleuetı küşeiedı. Klimat özgerısterın zerttep, tejeuge airyqşa nazar audarylady. Su şaruaşylyǧy salasyn basqaru jüiesı, onyŋ ışınde «QazSuŞar», «Nūra toptyq su qūbyry» siiaqty kompaniialar da tügel qaita qūrylady.
Eldegı bögetter men bögenderdıŋ barlyǧy derlık ötken ǧasyrdyŋ 50-70 jyldary salynǧan. Zaman talabyna sai su qoimalary tapşy bolǧandyqtan, biylǧy tasqynnyŋ zardaby tıptı auyr boldy. Sondyqtan Qazaqstannyŋ 11 aimaǧynda jaŋadan 20 bögen salynady, taǧy 15-ıne kürdelı jöndeu jürgızıledı. Sonda 134 eldı mekendı su basu qaterı edäuır azaiady.
Su resurstaryn basqaru jüiesın damytu tūjyrymdamasyna tasqynnyŋ aldyn alu jäne onyŋ saldaryn azaitu şaralary qosylady. Būl şaralar halyqaralyq täjıribenı eskere otyryp äzırlenedı», delı Prezident.
Ūqsas jaŋalyqtar
