Premer-Mınıstrdiń birinshi orynbasary Roman Sklıar Batys Qazaqstan oblysyna is-saparmen keldi. Roman Sklıar BQO ákimi Narıman Tóreǵalıevpen birge sý tasqyny bolǵan aýmaqtardy tikushaqpen aralap, jaǵdaıdy óz kózimen kórdi.
Úkimet basshysynyń orynbasary kólemi jaǵynan aýqymdy sý tasqyny bolǵan Terekti, Syrym, Qaratóbe aýdandarynyń aýmaǵyn kórdi. Oblys ákimi Narıman Tóreǵalıev tasqynnyń aldyn alýǵa, halyqty qaýipsiz jerge kóshirý baǵytynda atqarylyp jatqan jumystar jaıly aıtty.
Qazirgi ýaqytta oblystyń Terekti, Syrym, Qaratóbe, Bórli aýdandarynda, sondaı-aq, Oral qalasynda tasqynǵa baılanysty tabıǵı sıpatta tótenshe jaǵdaı jarııalanǵan. Sý basqan aýmaqtar kóp mólsherdegi jaýyn-shashynnyń saldarynan ulǵaıa túsken.
Qazirgi ýaqytta turǵyndardy qaýipsiz jerge kóshirý júzege asyrylýda. 874 adam evakýaııalandy.
Batys Qazaqstan oblysynda sý tasqyny saldaryn joıýǵa TJD jeke quramy, jergilikti atqarýshy organdar, Qorǵanys mınıstrligi men QR IIM-niń mamandary qatysýda. 306 birlik tehnıka men 146 motopompalar jumyldyryldy.
Sondaı-aq, Mańǵystaý oblysynyń jáne TJD áskerı bólimderiniń kúshteri tartyldy. Qosymsha UQK Shekara qyzmetiniń "MI-8" eki tikushaǵy jumyldyryldy.
Óńirde arnaıy komıssııa qurylyp, keltirilgen zalal dy esepteý bastaldy. R. Sklıar barlyq baǵyttar boıynsha sý tasqynyna qarsy jumystardy kúsheıtýdi tapsyrdy. Úkimet tarapynan barlyq qajetti kómek kórsetiletin bolady.
