Táýelsiz din zertteýshisi Turarbek Qusaıynuly Qazaqstan musylmandary dinı basqarmasynyń tóraǵasy, bas múftı Naýryzbaı Taǵanulyna usynys aıtty. Ol pitir-sadaqadan túsken aqshany sýdan zardap shekkenderge aýdarý kerek, dedi óziniń Feısbýk paraqshasynda.
“Qurmetti Naýryzbaı Taǵanuly!
Ramazan aıynda Qazaqstanda ózin musylman sanaıtyn 8 mıllıondaı adam múftııat belgilegen 640 teńgeni meshitke pitir-sadaqa retinde berse, QMDB-ǵa bes mıllıardtan astam qarjy túsedi eken.
Anyǵynda eger buǵan aýqatty hám qaltaly musylmandar beretin zeketti qossaq,onda odan zor qarajat jınalatyny anyq. Sondyqtan da sizden sol halyqtyń óz aqshasyn tabıǵı apattan, ıaǵnı sý tasqynynan zardap shekken halyqqa járdem retinde keri qaıtaryp berýińizdi talap etemin.
Atap aıtqanda atalmysh shara sońǵy kezde halyq arasynda bedeli kúrt tómendep ketken múftııattiń dárejesin kóterip qana qoımaı,sonymen qatar ıslam sharıǵatyna da laıyq saýapty is-áreket bop tabylady”, dep jazdy táýelsiz din zertteýshisi.