«Tarıh tolqynyndaǵy Kóshbasshy kelbeti»

2667

 Semeı qalasynyń Ortalyqtandyrylǵan kitaphana júıesinde QR Tuńǵysh Prezıdent kúnine oraı «Radýga» shyǵarmashylyq uıymy aıasynda «Tarıh tolqynyndaǵy Kóshbasshy kelbeti» atty vırtýaldy foto-kórme ótkizildi.

Sharaǵa Semeı óńiri garnızony áskerı polıııa jasaǵy bastyǵynyń orynbasary, podpolkovnık Shaıanbaev Darhan Murathanuly men áskerı polıııa garnızonynyń qyzmetkerleri, sondaı-aq «Jas Otan» Jastar qanatynyń tóraǵasy Aıtmuqash Almas Vılenuly, M.O.Áýezov atyndaǵy pedagogıkalyq kolledj stýdentteri, jas aqyndar Janathan Ómirgúl, Jeńishan Gúlbaıran, Toqtarbekov Bekzat, Bulan Bekeıqyzy, Qýandyqov Álibek, Baqytjanuly Eldos, Radıotehnıka jáne baılanys kolledjiniń  stýdentteri, №16 orta  mektebiniń alǵashqy áskerı daıyndyq jáne tehnologııa pániniń muǵalimi Shúrshitbaev Ekpinniń jetekshiligimen áskerı patrıottyq klýbynyń 11-synyp oqýshylary jáne de M.Tólebaev atyndaǵy mýzykalyq ýchılıeniń stýdenti Farhaduly Batyr qatysty.

Qazaqstan Respýblıkasynyń Memlekettik Ánuranyn oryndaýmen ashylǵan shara barysynda kitaphana qyzmetkeri Qazaqstan táýelsizdik jyldarynda memlekettiliktiń qalyptasýynyń, ult birligin nyǵaıtýdyń, naryqtyq ekonomıka qurýdyń qıyn, biraq jarqyn jolyn ótkergenin atap ótti. Sonymen qatar búkil el keńinen atap ótetin ulttyq merekelerdiń paıda bolǵanyn, sonyń ishinde Tuńǵysh Prezıdent kúni basqa merekelerden eń aldymen óziniń san qyrlylyǵymen erekshelenetinin jáne de Nursultan Nazarbaevtyń Táýelsiz Qazaqstannyń qalyptasýy men jasampazdyǵyna qosqan zor úlesi men halyqtyń óz Kóshbasshysyna degen qurmetiniń zańdy kórinisin, bizdiń qazaqstandyq jolymyzdy taǵy bir oı sarasynan ótkizý múmkindiginiń týǵanyn aıtty.

Vırtýaldy kórmeniń «Tarıh. Tulǵa. Elbasy», «Táýelsiz eldiń Kóshbasshysy», «Jańa dáýirdegi Qazaqstan», «Astana – Elbasynyń tól perzenti» atty bólimderinde qatysýshylar nazaryna QR Tuńǵysh Prezıdenti N.Á.Nazarbaevtyń ómiri men qyzmeti, Elbasynyń metallýrg qyzmetin atqaryp, odan keıin qoǵam men partııa qyzmetkerinen saıası kóshbasshy, táýelsiz Qazaqstannyń Tuńǵysh Prezıdentine deıingi jolyn baıandaıtyn, sonymen qatar táýelsizdik alǵannan keıingi qalyptasý kezeńderi, ishki jáne halyqaralyq arenadaǵy ekonomıkalyq jáne saıası jetistikteri týraly, qazirgi zaman tarıhyndaǵy Qazaqstannyń Tuńǵysh Prezıdenti – Ult Kóshbasshysynyń róli týraly kitaptar sherýi usynyldy.

Shara qonaqtary egemen Qazaqstannyń negizin qurý men nyǵaıtýdaǵy aýqymdy ekonomıkalyq, saıası jáne áleýmettik reformalardy júzege asyrýdaǵy QR Tuńǵysh Prezıdent N.Á.Nazarbaevtyń   rólin ashyp kórsetti.

Jas aqyndar Ult Kóshbasshysynyń qurmetine óleńder oqyp, kúıler men patrıottyq ánder oryndady.

Kitaphana qyzmetkeri is-sharany qorytyndylaı kele, bizdiń árqaısymyz elimizdiń damýy men órkendeýine, ómirdegi barlyq josparlardy júzege asyrýda óz úlesimizdi qosýǵa tıis ekenimizdi atap ótti.

«Adyrna» portaly

Pikirler
Uqsas jańalyqtar