Bügın Parlament Mäjılısınde «keibır zaŋnamalyq aktılerge oiyn biznesı, lotereialar jäne lotereia qyzmetı mäselelerı boiynşa özgerıster men tolyqtyrular engızu turaly» zaŋ jobasy tanystyryldy. Pedagog - deputattyŋ paiymy qandai?
Atalǧan zaŋ jobasy qūmar oiynǧa qatysty kompaniialardyŋ jūmysyna qanşalyqty şekteu engızedı jäne ol kosmetikalyq zaŋ jobasy bolyp şyqpai ma? Osy jäne özge de sūraqtardy Mäjılıs deputaty Ashat Aimaǧambetovke qoidyq.
– Qūmar oiynǧa qatysty zaŋ bukmekerlık keŋselerdıŋ jūmysyna qanşalyqty tegeurındı baqylau ornata alady?
– Zaŋ jobasy qūmar oiynyn ūiymdastyratyn adamdarǧa qolaisyz bolmaq. Atalǧan zaŋ boiynşa oiyn biznesınıŋ iegerlerı jüzdegen millardtaǧan tabysyn joǧaltady. Öitkenı jarnamadan bastap adamnyŋ jasyna deiıngı öte ülken şekteuler bar. Jalpy osy biznestı şekteitın naqty normalar qarastyryldy. Sondyqtan da ärine būl oiyn biznesı ielerınıŋ müddesınen şyqpaityny anyq. Bızdıŋ maqsatymyz jalpy azamattardyŋ osy bır ülken problemadan qorǧau jäne qūtqaru.
Qazır ülken megapolisterde qūmar oiyndy nasihattaityn ülken bilbordtar köbeiıp kettı. Būdan bylai qūmar oiyndy nasihattaityn jarnama qoǧamdyq oryndarda qoiylmaidy. Būl - kompaniia ökılderıne ülken soqqy. Būl – bır. Ekınşıden, zaŋ jobasynda 25 jasqa deiıngı adamdardyŋ qūmar oiynyn oinauyna şekteu engızılıp jatyr. Al aliment boiynşa qaryzy bar adamdardy tıptı oiynatpau turaly norma zaŋ jobasynda engızıledı. Bır sözben aitqanda, mūnyŋ bärı qūmar oiyn artynda tūrǧan adamd üşın ülken soqqy.
– Futboldan Qazaqstan premer-ligasynyŋ bas demeuşısı – "Olimpbet" bukmekerlık keŋsesı. Atalǧan kompaniia özıne jarnama jasau mümkındıgınen airyla ma?
– Qazır bızde Dene şynyqtyru turaly zaŋ jobasy qaralyp jatyr. Osy zaŋ jobasy şeŋberınde bızdıŋ deputattar tüzetu berdı. Ol boiynşa futbol ligasynyŋ atyn qazırgıden özgertu qarastyrylyp jatyr. Jūmys tobynda būl mäsele qarastyryldy. Sondyqtan būl jūmys bastalyp kettı dep aituǧa da bolady.
– Qūmar oiynnyŋ artynda ülken lobbi tūrǧany belgılı. Sızderdıŋ olarǧa tegeurındı qarsylyq körsetuge şamalaryŋyz kele me? Kosmetikalyq zaŋ bolyp şyqpai ma?
– Joq, olai dep aituǧa bolmaidy. Öitkenı qazırdıŋ özınde būl mäsele boiynşa Memleket basşysy Qauıpsızdık keŋesın ötkızdı. Ūlttyq qūryltaida da tiıstı tapsyrma berdı. Ükımette zaŋ jobasynyŋ qorytyndysyn jyldamdatyp bızge jıberdı. Endı qazır naqty jūmys bastaldy. Zaŋ jobasy qarastyrylyp jatyr. Būl zaŋ jobasynda jaŋa özıŋızge aitqandai maŋyzdy normalar qarastylyp otyr. Sondyqtan būl normalar naqty jäne qordalanǧan problemany şeşuge septıgın tigızetın oŋ normalar dep aituǧa bolady. Qadam-qadammen ary qaraida būl mäselenı şeşuge mümkındıkter jetkılıktı dep sanaimyn.
Şynar Aqjanqyzy
Ūqsas jaŋalyqtar
