Búgin QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysynda balalardyń panasyz jáne qaraýsyz qalýynyń aldyn alý máseleleri qaraldy.
Ulttyq komıssııanyń sarapshylar toby óńirlerge baryp, osy máseleniń jaı-kúıin egjeı-tegjeıli zerttedi.
Otyrys jumysyna saraptamalyq jáne ǵylymı qoǵamdastyq ókilderi, ýákiletti organdardyń basshylary, óńirlerdegi ákimderiniń orynbasarlary men bala quqyqtary jónindegi ýákilder, ortalyq memlekettik organdardyń ókilderi qatysty.
Ulttyq komıssııa tóraǵasy, QR Prezıdenti Ákimshiligi Basshysynyń orynbasary Aıda Balaeva balalar úshin qolaıly jaǵdaılar jasaý, olarǵa panasyzdyq pen úmitsizdik qaýpine ushyratatyn faktorlardyń teris áserin boldyrmaý memleketimizdiń áleýmettik saıasatynyń mańyzdy baǵyty bolyp tabylatynyn atap ótti. Osy maqsatta áleýmettik jáne profılaktıkalyq sharalar kesheni iske asyrylýda.
Sondaı-aq mynany atap ótti:
«Balalardyń panasyzdyǵy men qaraýsyz qalýynyń aldyn alý máselesi áli de ótkir tur. Bul balalardyń qaraýsyz jáne panasyz qalýynyń aldyn alý keshenin qalyptastyrýdyń jańa tásilderin izdeýdi talap etedi. Zańǵa baılanysty barynsha azaıta otyryp, kámeletke tolmaǵandardyń qadaǵalaýsyz qalý táýekelderiniń aldyn alý júıesin jetildirý qajet.
«Qazaqstandaǵy otbasyn memlekettik qoldaý negizderi týraly» tujyrymdamasyn ázirleý talap etiledi. Onda otbasyn qorǵaý salasyndaǵy memlekettik saıasattyń negizgi baǵyttary bekitilýge tıis.
Qosymsha bilim berýdi jáne bos ýaqytty uıymdastyrýda problema bar. Qylmys jasaǵan balalarǵa arnaıy qalpyna keltirý áleýmettik baǵdarlamalary qajet. Bul balanyń jeke basymen jumys isteýge jáne ony odan ári qylmystyq jaýapkershilikke tartýǵa múmkindik beredi», - dedi Ulttyq komıssııa tóraǵasy.
Balalardyń qaraýsyz jáne panasyz qalýynyń aldyn alý salasyndaǵy aǵymdaǵy ahýal jáne osy saladaǵy jumys júıesin jetildirý sharalary týraly Oqý-aǵartý mınıstri Ashat Aımaǵambetov sóz sóıledi.
Ishki ister mınıstriniń orynbasary Igor Lepeha ata-analar tarapynan balalardyń minez-qulqyna tıisti baqylaýdyń bolmaýy olardyń quqyq buzýshylyq, qylmys jasaýyna ákep soqtyratynyn atap ótti. Aǵymdaǵy jyldyń basynan beri 73 myń. astam ata-ana ákimshilik jaýapkershilikke tartyldy. Kámeletke tolmaǵandardyń túngi ýaqytta mekemelerde bolýyna jol bergeni úshin 1,5 myńǵa jýyq oıyn-saýyq mekemeleriniń ıeleri ákimshilik jaýapkershilikke tartyldy.
Profılaktıkalyq jumystyń qazirgi zamanǵy praktıkasy qorǵaý-saqtaý tujyrymdamasy qaǵıdattaryna negizdeledi jáne «táýekel tobyndaǵy» balalar men otbasylarǵa áleýmettik-quqyqtyq, psıhologııalyq-medıınalyq-pedagogıkalyq kómek kórsetetin ártúrli vedomstvolyq mekemelerdiń keń jelisin qamtıdy.
BUU Damý baǵdarlamasynyń áleýmettik máseleler jónindegi ulttyq sarapshysy Svetlana Jaqypova jedel sharalar qabyldaý jáne balalardyń panasyzdyǵy/qaraýsyzdyǵy problemalaryn sheshý úshin ıntegraııalanǵan áleýmettik qyzmetter ınstıtýtyn engizý qajettiligi týraly tolyǵyraq aıtyp berdi.
«Bir ıfrlyq platformada ártúrli salalardyń (bilim berý, densaýlyq saqtaý, áleýmettik qorǵaý, quqyq qorǵaý organdary – árqaısysy óz quzyreti sheginde) sarapshylary jumys isteıtin bolady. Bul muqtaj otbasylarǵa qajetti memlekettik qyzmetterdi jedel jáne tıimdi kórsetýge múmkindik beredi. Árbir nazardan tys qalǵan isti Memlekettik qyzmet isteri agenttigi baqylaıdy. Bul sheshim osyndaı otbasylarǵa qoldaý sharalaryn kórsetý merzimderin jáne tıisinshe memlekettik organdardyń ákimshilik shyǵystaryn qysqartýǵa múmkindik beredi», - dep atap ótti spıker.
Otbasylyq damý jáne balalar qaýipsizdigi máseleleri jónindegi ulttyq komıssııanyń sarapshylary birqatar problemalyq máselelerge toqtaldy: ata-ana jaýapkershiligin kúsheıtý, ıývenaldy polıııanyń rólin arttyrý, keshendi aldyn alý sharalaryn uıymdastyrýdyń jańa tásilderi týraly.
Ulttyq komıssııa tóraǵasy A. Balaeva Oqý-aǵartý mınıstrligine mektepterdegi profılaktıkalyq qyzmet pen baqylaýdyń biryńǵaı standarttaryn ázirlep, engizýdi tapsyrdy. Bul rette osy baǵyttaǵy barlyq ýákiletti organdardyń belsendi dáıekti jumysy qajet ekendigi atap ótildi.
Aqparat jáne qoǵamdyq damý mınıstrligi áleýmettik osal otbasylardy qoldaý, sondaı-aq profılaktıkalyq esepte turǵan kámeletke tolmaǵandardyń bos ýaqytyn uıymdastyrý jónindegi jumysqa azamattyq sektordy keńinen tarta otyryp, aldyn alý sharalaryn ázirleýi tıis.
Balalardyń qaraýsyzdyǵy men panasyzdyǵynyń aldyn alýda ıývenaldy polıııanyń rólin arttyrýdyń mańyzdylyǵy erekshe atap ótildi. Múddeli qurylymdar men jergilikti atqarýshy organdardy tarta otyryp, qaraýsyz qalǵan balalardy anyqtaý maqsatynda toqsan saıyn keń aýqymdy reıdter júrgizýdi qaıta bastaý qajet.
Ulttyq komıssııa óńirlik deńgeıde balalardyń qadaǵalaýsyz jáne panasyz qalýynyń aldyn alý salasyna tolyqqandy monıtorıng júrgizýdi jalǵastyratyn bolady.
