قازاقستاندىقتاردىڭ 60 پايىزعا جۋىعى قولىنا قارۋ الىپ، وتانىن قورعاۋعا دايىن، دەپ حابارلايدى «ادىرنا» ءتىلشىسى Gallup International-عا سىلتەمە جاساپ.
زەرتتەۋ ۇيىمى جۇرگىزگەن ساۋالناماعا 45 ەلدەن 46 138 ادام قاتىسقان. ءار ەلدە، سونىڭ ىشىندە قازاقستاندا 2023 جىلدىڭ قازانىنان جەلتوقسانىنا دەيىن 1000-عا جۋىق ادام ساۋالناماعا جاۋاپ بەرگەن.
ەل تۇرعىندارىنىڭ 58 پايىزى ءوز وتانىن قورعاۋعا دايىن بولسا، 26 پايىزى قارسىلىق بىلدىرگەن. ال قالعان 16 پايىزى ءبىر شەشىمگە كەلە الماعان. وتن قورعاۋعا تىلەك بىلدىرگەندەردىڭ 2015 جىلعى كورسەتكىشى بۇدان باسقاشا بولاتىن. سول جىلى قازاقستاندىقتاردىڭ 69 پايىزى وتان قورعاۋعا دايىن ەكەنىن ايتقان.
سوڭعى ساۋالناما بويىنشا رەسەيلىكتەردىڭ نەبارى 32 پايىزى عانا وسىندا تىلەك بىلدىرگەن.
ەۋروپا، اقش جانە كانادا تۇرعىندارى سوعىسقا بارعىلارى كەلمەيتىنىن جەتكىزگەن.
ساراپشىلاردان ايتۋىنشا، 10 جىل بۇرىن بۇكىل الەمدە ءوز ەلى ءۇشىن كۇرەسۋگە دايىن ادامدار كوپ بولدى. زەرتتەۋشىلەر ستاتيستيكانىڭ تومەندەۋىن سوڭعى جىلدارى جەر شارىنىڭ ءارتۇرلى بولىكتەرىندە بولىپ جاتقان قاقتىعىستارمەن بايلانىستىردى.
