"NATO Reseımen tikeleı qarsylasýǵa daıyn" dep málimdedi alıanstyń áskerı komıtetiniń basshysy, admıral Rob Baýer. Áskerı maman bul jaıly Portýgalııanyń "RTP" telearnasyna bergen suhbatynda aıtty, dep jazdy "Adyrna" ulttyq portaly.
Rob Baýer NATO-nyń Ýkraınadaǵy qaqtyǵys bastalǵaly Bolgarııa, Rýmynııa, Vengrııa jáne Slovakııaǵa qosymsha kúsh jiberý týraly sheshim qabyldaǵanyn atap ótti. Bul qadam arqyly NATO alıanstyń shyǵys qanatyn kúsheıtýdi kózdep otyr. Muny:
"Meniń paıymdaýymsha, bul bizdiń orystarǵa mańyzdy eskertýimiz. Eger olar NATO-ǵa qarsy kelýge sheshim qabyldasa, bizdiń de qarap qalmaıtynymyzdy kórsetý úshin osyndaı qadamǵa bardyq", - dep túsindirdi Baýer
Leıtenant-admıraldyń aıtýynsha, Reseıdiń strategııalyq maqsaty Ýkraınany basyp alý ǵana emes. Olardyń kózdegeni tym áride. Sózin "Bulardyń kóksegeni eski Keńes Odaǵyna qaıta oralý" dep túsindirdi ol.
"Adyrna" ulttyq portaly
