Taldyqorǵanda tórt polıııa qyzmetkeri Qańtar oqıǵasy kezindegi azaptaý isi boıynsha kináli dep tanyldy, dep habarlaıdy "Adyrna" ulttyq portaly Jetisý oblystyq prokýratýrasynyń baspasóz qyzmetine siltep.
Naýryzdyń 18-i kúni Taldyqorǵan soty burynǵy tórt polıııa qyzmetkerine Qańtar oqıǵasy kezinde azaptaý faktisi boıynsha (QR Qylmystyq kodeksiniń 146-baby) qatysty úkimi shyqty. Qylmystyq isti Jetisý oblysynyń arnaıy prokýrorlary tergegen.
«Memlekettik prokýrorlar 2022 jyldyń 5 qańtary men 16 qańtary aralyǵynda Almaty oblysy IID ǵımaratynda qylmyskerlerdiń «fızıkalyq kúsh kórsetýmen qosa tyıym salynǵan tergeý ádisterin» jasaǵanyn dáleldedi. Zańsyz áreketterdiń saldarynan jeti jábirlenýshiniń densaýlyǵyna ártúrli dárejedegi jaraqattar keltirilgen», delingen Jetisý oblystyq prokýratýrasynyń resmı saıtyndaǵy habarlamada.
Sot úkimimen úsh sottalýshy 4 jyldan 6 jylǵa deıingi bas bostandyǵynan aıyrýdyń ártúrli merzimderine sottalyp, olardyń bireýi bas bostandyǵynan aıyrýǵa baılanysty emes jazaǵa tartylǵan. Sondaı-aq sot olardy shenderinen jáne memlekettik qyzmette jumys isteý quqyǵynan aıyrdy.
