Müftiiat «Zam-Zam Qazaqstan» turistık kompaniiasynyŋ basşysy Daniiar İlievtıŋ üstınen sotqa şaǧym tüsırmek. Būl turaly Qazaqstan mūsylmandar dıni basqarmasynyŋ (QMDB) Ortalyq apparaty jariialady, dep habarlaidy “Adyrna” ūlttyq portaly.
Aitularynşa, Daniiar İliev müftiiatqa jala japqan.«Zam-Zam Qazaqstan» (zaŋdy atauy – «Zam Zam store») kompaniiasynyŋ jalǧan qūjat räsımdep, qajylardy zaŋsyz jolmen Saud Arabiiasyna aparyp, jerlesterımızge jäbır körsetken äreketı qoǧamnyŋ nazaryn audardy.
Alaida «Zam-Zam Qazaqstan» kompaniiasynyŋ jetekşısı Daniiar İliev özınıŋ şariǧatqa jäne zaŋǧa qaişy äreketın moiyndamai, müftiiatqa jala jabumen şektelude, dep jazdy QMDB Ortalyq apparaty.
Aita keteiık, Daniiar İliev «31 arna» telearnasynyŋ «50/50» äleumettık tok-şouynyŋ 2023 jylǧy 29 mausym küngı efirıne bergen sūhbat bergen bolatyn. QMDB Ortalyq apparaty onyŋ sözı eşqandai dälelsız, söz jauapkerşılıgın sezınbei «müftiiat turfirmalardan är qajy üşın 500 dollar para alady» degen mazmūnda auyr jala japqanyn aitty.
Müftiiat būl aqparattyŋ jalǧan ekendıgın jäne Qazaqstan Respublikasynyŋ Äkımşılık qūqyq būzuşylyq turaly Qazaqstan Respublikasynyŋ 2014 jylǧy 5 şıldedegı № 235-V QRZ kodeksınıŋ 73-3 (jala jabu, iaǧni basqa adamnyŋ abyroiy men qadir-qasietine nūqsan keltiretin nemese onyŋ bedelin tüsiretin körineu jalǧan mälimetter taratu, köpşilik aldynda nemese būqaralyq aqparat qūraldaryn nemese telekommunikasiialar jelılerın paidalana otyryp jasalǧan däl sol ıs-äreket) «Jala jabu» babyna säikes D.İlievtıŋ üstınen sotqa şaǧym tüsıretının habarlaidy.
Sonymen qatar qūqyq qorǧau organdary qajylardy osyǧan deiın aldap, dalada qaldyrǧan atalǧan kompaniianyŋ zaŋsyz äreketterıne tez arada nazar audaryp, zaŋ būzuşylardy qūqyqtyq jauapkerşılıkke tartu boiynşa tiıstı şaralar qoldanady dep senemız.
Qazaqstan azamattaryn aldaǧy jyldary osy sekıldı alaiaqtardyŋ tūzaǧyna tüsıp qalmas üşın, qajylyq konkursynan ötken, iaǧni qajylyq saparyn ūiymdastyruǧa qabılettı dep tanylǧan, müftiiat jariialaǧan tızımge sai turoperatorlar qyzmetıne jügınu qajettıgın taǧy da qaperge salamyz, dep jazdy.
