Bizdegi keıbir sot oryndaýshylardy bopsalýshy, deldal ıaǵnı resmı tirkelgen memlekettik alaıaqtar dep ataý kerek!
Sot oryndaýshylar jaıly 2018 jyly Sybaılas Jemqorlyqqa qarsy agenttikte monıtorıng múshesi bolyp júrgende kótergem.
Sot oryndaýshylardyń mindetin prokýratýraǵa berý kerek ekenin aıtqanmyn! Halyqtyń , onyń ishinde aqshaly kásipkerlerdiń esep shotyn 13 teńge úshin jaýyp, shotty ashý úshin 20 myń teńge surap qınaıtyndaryna kýá bolǵam!
Shymkent qalasynda qanshama áıelder álıment óndire almaı jylap júrgende prokýratýramen birlesip, biraz analardyń máselesin sheshkenbiz. Sol analar qázir meni oqyp ta otyrǵan shyǵar, sot oryndaýshylardan kórgen qorlyqtaryn estip sol kezde jaǵamdy ustaǵam.
Sot oryndaýshylar tek qomaqty qarjynyń ısi shyqqanda ǵana, ózderine paıyzyn kóbirek berem deseń júgiredi. Tipti SES, bank, jeke kommýnaldyq tólem alatyn kompanııalarmen sybaılasyp, tólem júrgizbeı qoıǵan adamdardyń esep shotyn buǵattap, aqsha berseń ǵana ashyp berip otyratynyn anyqtaǵam.
Bizdiń elde júıege ózgeris engizý úshin kóp adam ólý kerek!
Aýyl aımaqta bundaı resmı alaıaqtarmen kúresýden sharshap, úndemeı asylyp ólip ketip jatqandar qanshama?!
Bes adamnyń ólimi ózgeris jasaýǵa jetkilikti shyǵar ııa, aý estýshi úkimet?
Álde taǵy biraz adamnyń qany kerek pe?
"Adyrna" ulttyq portaly
