17 nauryz – «Şaŋyraq künınde» qostanailyqtar jappai şaŋǧy tebu jarysyna qatysty. Jadyraǧan jeksenbıdegı «Otbasylyq sport künı» dep atalǧan ıs-şara esı kırgen bala men egde jastaǧy äuesqoi şaŋǧyşylardyŋ basyn qosty.
Sport ärqaşan da bızdı bırıktıredı, alǧa jeteleidı. Būndai ıs-şaralar otbasylyq qūndylyqtardy arttyruǧa, salauatty ömır süruge yqpal etedı. Ol üşın oblysymyzda jaqsy jaǧdai jasalynǧan, älı de sportty damytuǧa arnalǧan auqymdy jobalar josparlanǧan. Nauryz meiramy barşaŋyzǧa bereke, jaqsylyq pen molşylyq äkelsın, - dep jarystyŋ aşylu saltanatynda qatysuşylardy aimaq basşysy Qūmar Aqsaqalov qūttyqtady.
Oblys äkımı barlyq qatysuşylar üşın belgılengen myŋ metr araqaşyqty ainalyp öttı. Sporttyq ıs-şaraǧa barlyǧy 500-ge juyq adam at salysty, eŋ eresek qatysuşynyŋ jasy 80-ge taiau bolsa, 5 jastaǧy büldırşınder de būl jarystan tys qalmady.
Jarysqa qatysuşylar 3 jas sanatyna bölınıp, aldymen, şaŋǧy tebuge 17 jäne odan kışı jastaǧylar şyqty. Kelesı 40-tan joǧarylar bolsa, olardan keiın 18-39 jas aralyǧyndaǧy sport süier qauym özderıne berılgen qaşyqtyqty jürıp öttı.
Aita ketu kerek, 1 sanatta mektep jasyndaǧy 250 şaŋǧyşy öner körsetıp, erekşe belsendılık tanytty. Olardyŋ ärqaisyna basseinge arnalǧan tegın abonement tartu etıldı.
