Jergilikti turǵyndarǵa tóngen qaýiptiń aldyn alý maqsatynda apatqa baılanysty Maıqaıyń aýylynda tótenshe jaǵdaı jarııalandy. Opyrylyp jatqan aýmaq tekserilýde, dep habarlaıdy "Adyrna" ulttyq portaly oblys ákimdigine silteme jasap.
«1 naýryzdan bastap Baıanaýyl aýdanynyń ákimdigi Maıqaıyń kentinde opyrylǵan jerdegi 79 turǵyn úıdiń aýmaǵyna zertteý júrgizý úshin jergilikti aýqymdy tehnogendik tótenshe jaǵdaı jarııalady», - dep túsindirdi vedomstvodan.
Pavlodarnews.kz habarlaǵandaı, oblystyq tótenshe jaǵdaılar departamentiniń basshysy Jasulan Jumashev mamandar aýylda jáne onyń mańaıynda paıda bolǵan jaryqtar, kóshkin, ishki qozǵalystar men qýystardy tekseretinin túsindirdi.
Esterińizge sala keteıik, 4 qańtarda Baıanaýyl aýdanynda «Maıkaıyńaltyn» AQ aýmaǵynda jolaýshylar mingen avtobýs shuńqyrǵa qulap ketken bolatyn.
