جەرگىلىكتى تۇرعىندارعا تونگەن قاۋىپتىڭ الدىن الۋ ماقساتىندا اپاتقا بايلانىستى مايقايىڭ اۋىلىندا توتەنشە جاعداي جاريالاندى. وپىرىلىپ جاتقان اۋماق تەكسەرىلۋدە، دەپ حابارلايدى "ادىرنا" ۇلتتىق پورتالى وبلىس اكىمدىگىنە سىلتەمە جاساپ.
«1 ناۋرىزدان باستاپ باياناۋىل اۋدانىنىڭ اكىمدىگى مايقايىڭ كەنتىندە وپىرىلعان جەردەگى 79 تۇرعىن ءۇيدىڭ اۋماعىنا زەرتتەۋ جۇرگىزۋ ءۇشىن جەرگىلىكتى اۋقىمدى تەحنوگەندىك توتەنشە جاعداي جاريالادى»، - دەپ ءتۇسىندىردى ۆەدومستۆودان.
Pavlodarnews.kz حابارلاعانداي، وبلىستىق توتەنشە جاعدايلار دەپارتامەنتىنىڭ باسشىسى جاسۇلان جۇماشەۆ ماماندار اۋىلدا جانە ونىڭ ماڭايىندا پايدا بولعان جارىقتار، كوشكىن، ىشكى قوزعالىستار مەن قۋىستاردى تەكسەرەتىنىن ءتۇسىندىردى.
ەستەرىڭىزگە سالا كەتەيىك، 4 قاڭتاردا باياناۋىل اۋدانىندا «مايكايىڭالتىن» اق اۋماعىندا جولاۋشىلار مىنگەن اۆتوبۋس شۇڭقىرعا قۇلاپ كەتكەن بولاتىن.
