Jambyl oblysynda birneshe kólik soqtyǵysqan jol kólik oqıǵasy saldarynan 25 adam zardap shekti, dep habarlaıdy "Adyrna" ulttyq portaly.
"31 qańtar kúni saǵat 10.47 – de Jýaly aýdany Nurlykent aýylynyń mańynda "Batys Eýropa-Batys Qytaı" Respýblıkalyq mańyzy bar avtojolynyń 567 shaqyrymynda aýa raıynyń qolaısyzdyǵyna baılanysty (kóktaıǵaq, jol kórinisiniń nasharlaýy, boran) 26 avtokóliktiń (tórt jolaýshylar avtobýsy, tórt júk avtomashınasy jáne jeńil avtomobılder) qatysýymen jol-kólik oqıǵasy oryn aldy. Oqıǵa saldarynan qaza tapqandar joq. B. Momyshuly aýylynyń ortalyq aýdandyq aýrýhanasyna 25 adam jetkizildi",-dep habarlady Jambyl oblysy polıııa departamentiniń (PD) baspasóz qyzmeti.
Derekterge súıensek, zardap shekken 25 adamnyń tórteýi reanımaııada, olardyń arasynda balalar da bar.
"Tarazdyń 593-534 km-ge deıingi avtojoly eki baǵytta da jabyq. Oqıǵa ornynda polıııa qyzmetkerleri jumys isteýde, oqıǵanyń egjeı-tegjeıleri anyqtalady. Jambyl oblysynyń PD Jol qozǵalysy erejelerin qatań saqtaý qajettigin eske salady, ásirese aýa raıy qolaısyz bolǵan jaǵdaıda júrgizýshilerdi saq bolýǵa shaqyrdy", - dep tolyqtyrdy polıııa qyzmetkerleri.
