Almatyda jedel járdem kóligi meıramhananyń jazǵy terrassasynyń qorshaýyna kirip ketti, dep habarlaıdy “Adyrna” ulttyq portaly qalalyq polıııa departamentiniń baspasóz qyzmetine silteme jasap.
«Jedel járdem júrgizýshisi Shıshkın kóshesimen soltústik baǵytta kele jatyp, eki Toyota jáne Hyundai kóligimen soqtyǵysqan. Sosyn ol meıramhanalardyń biriniń jazǵy terrassasynyń qorshaýyna soǵyldy», delingen habarlamada.
Jergilikti polıııa qyzmetiniń habarlaýynsha, oqıǵa búgin saǵat 16:10-da Almatynyń Bostandyq aýdanynda bolǵan. Apat saldarynan zardap shekkender joq ekeni habarlandy.
Oqıǵanyń mán-jaıyn Bostandyq aýdandyq ishki ister bóliminiń qyzmetkerleri anyqtap jatyr.
