Pavlodar qalasynyń turǵyny urlanǵan kóligimen polıııanyń kózinshe aıaldamany buzyp, dúkendi oırandap ketti, dep habarlaıdy «Adyrna» ulttyq portaly.
Pavlodar oblysynyń polıııa departamentiniń habarlaýynsha, Pavlodar qalasynyń turǵyny 1 qańtar kúni tańǵy saǵat 07.30-da mas kúıinde Akademık Bekturov kóshesindegi úılerdiń biriniń aýlasynan «Gazel» avtokóligin aıdap ketken. Sodan Nurkına kóshesimen kele jatyp, jol belgisin, aıaldamany jáne dúken ǵımaratyn soqqan.
«Júrgizýshini jaqyn mańdaǵy polıııa qyzmetkerleri ustady, tekserý barysynda onyń júrgizýshi kýáligi joq ekeni anyqtaldy. Kólik ishinde 17 jastaǵy kámeletke tolmaǵan jasóspirim bolǵan. Júrgizýshi saraptamadan ótip, Pavlodar qalasynyń ýaqytsha ustaý ızolıatoryna qamaldy», - dep habarlady Pavlodar oblystyq polıııa departamentiniń baspasóz qyzmeti.
Quqyq buzýshy júrgizýshi kýáliginsiz mas kúıinde kólik júrgizgeni úshin 20 táýlikke qamaýǵa alyndy.
Urlyq faktisi boıynsha sotqa deıingi tergeý bastaldy. Kólik arnaıy avtoturaqqa qoıyldy.
