Memleket basshysy Qasym-Jomart Toqaev Japonııa premer-mınıstri Fýmıo Kıshıdaǵa kóńil aıtý jedelhatyn joldady, - dep habarlaıdy “Adyrna” tilshisi.
Memleket basshysy Qasym-Jomart Toqaev Japonııa premer-mınıstri Fýmıo Kıshıdaǵa eldiń batysyndaǵy Noto túbeginde bolǵan jer silkinisi saldarynan qurban bolǵandarǵa baılanysty kóńil aıtty.
«Elińizde oryn alǵan joıqyn tabıǵı apat týraly habardy oqyp qatty qaıǵyrdym, onyń saldarynan kóptegen adamdar qaza taýyp, zardap shekti. Sizge Qazaqstan halqynyń jáne jeke ózimniń atymnan kóńil aıtamyn. Jaqyndarynan aıyrylǵan otbasylar men zardap shekkenderdiń tezirek saýyǵyp ketýin jáne habarsyz ketken azamattardyń otbasylaryna aman-esen oralýyn tileımin», - delingen jedelhatta.
Esterińizge sala keteıik, dúısenbi, 1 qańtarda Japonııada birneshe joıqyn jer silkinisi boldy. Eki saǵat ishinde eldiń batys jaǵalaýynda Ishıkava jáne Nııgata prefektýralary aımaǵynda 29 jer dúmpýleri tirkeldi.
