Nūr-Sūltan qalasynda QR Premer-Ministrı Älihan Smaiylov pen Türkiia vise-prezidentı Fuat Oktaidyŋ töraǧalyǧymen Sauda-ekonomikalyq yntymaqtastyq jönındegı Qazaqstan-Türkiia ükımetaralyq komissiiasynyŋ XII otyrysy öttı. Būl turaly “Adyrna” ūlttyq portaly habarlaidy preminister.kz saityna sılteme jasap.
Otyrys barysynda taraptar ekı el arasyndaǧy sauda-ekonomikalyq yntymaqtastyqty damytudyŋ auqymdy mäselelerın talqylady. Atap aitqanda, tranzittık-kölık, önerkäsıp, turizm, geologiia, densaulyq saqtau jäne agroönerkäsıptık keşen salalaryndaǧy özara ıs-qimyl mäselelerı qaraldy. Sondai-aq ekı el arasyndaǧy äue joldarynyŋ geografiiasyn keŋeitu jäne tūraqty reister sanyn arttyru qajettılıgıne nazar audaryldy.
Türkiia — Qazaqstannyŋ maŋyzdy sauda-ekonomikalyq jäne investisiialyq serıktesterınıŋ bırı. Ötken jyldyŋ qorytyndysy boiynşa Qazaqstan men Türkiia arasyndaǧy tauar ainalymy 33%-ǧa ösıp, $4,1 mlrd asty. Ekı el ärıptestıgınıŋ strategiialyq sipatyna toqtalǧan QR Premer-Ministrı 2021 jyly Qazaqstannan Türkiiaǧa eksport 39%-ǧa ösıp, şamamen $3 mlrd jetkenın, 2021 jyly Türkiiadan Qazaqstanǧa import 20,5%-ǧa artyp, $1,1 mlrd qūraǧanyn atap öttı.
Bügıngı taŋda türık biznesı Qazaqstanda jalpy qūny $5,5 mlrd qūraityn investisiialyq jobalardy jüzege asyryp jatyr. Öz kezegınde Türkiia vise-prezidentı F. Oktai Türkiia Respublikasy Qazaqstanmen barlyq baǧyttar boiynşa ekıjaqty yntymaqtastyqty ärı qarai nyǧaituǧa daiyn ekenın, mūnyŋ özara tiımdı ärıptestıktı damytuǧa yqpal etetının atap öttı.
Otyrys aiasynda ekonomikalyq yntymaqtastyq boiynşa jan-jaqty kelıssözder jürgızıldı. Qazaqstan tarapynan industriia jäne infraqūrylymdyq damu ministrı, sauda jäne integrasiia, ūlttyq ekonomika, densaulyq saqtau vise-ministrlerı jäne basqalary qatysty. Türık tarapynan industriia jäne tehnologiia, sauda, kölık jäne infraqūrylym, densaulyq saqtau vise-ministrlerı qatysty.
Soŋynda ÜAK otyrysynyŋ qorytyndy hattamasyna qol qoiylyp, bırlesken jospar qabyldandy. Resmi delegasiia müşelerı özara sauda-ekonomikalyq yntymaqtastyqtyŋ özektı mäselelerın talqylau üşın ekıjaqty kezdesuler ötkızdı.
”Adyrna” ūlttyq portaly
