23-24 şılde künderı I Respublikalyq «Qobyzym – qoŋyrym» qobyzşylar baiqauy öttı. Būl baiqaudyŋ Ūlytau oblysy, Jezqazǧan qalasynda ūiymdastyryluynyŋ özındık sebebı de bar. Qoilybai baqsy – osy Ūlytau öŋırınde tuyp-ösken, qazaq halqynyŋ ruhani mädenietıne zor üles qosqan tarihi tūlǧa. Qorqyttyŋ qobyzyn, sarynyn alǧaş miras tūtqan öner iesı de osy Qoilybai bolǧan.
Baqsylyǧymen de, qobyzşylyǧymen de aty aŋyzǧa ainalǧan Qoilybai äulie atyndaǧy alǧaşqy qobyzşylar baiqauyn ötkızuge Ūlytau oblysynyŋ äkımdıgı qoldau bıldırse, baiqaudy oblystyq mädeniet, tılderdı damytu jäne arhiv ısı basqarmasy men oblystyq mädeni-sauyq jäne şyǧarmaşylyq ǧylymi-ädıstemelık ortalyǧy ūiymdastyryp ötkızdı.
S.Qojamqūlov atyndaǧy qazaq muzykalyq drama teatry qobyzdyŋ tylsym ünın tyŋdauǧa qūştar köpşılıktı ekı kün boiy özıne tartyp, özınde tūsady. Respublikalyq deŋgeide ötkızılıp otyrǧan qobyzşylar baiqauynyŋ basty maqsaty Qoilybai äulienıŋ emşılıgımen qatar, qobyzşy bolǧanyn köpke tanytu, nasihattau boldy. Sonymen qatar, jas ūrpaqty qobyz önerıne baulu, halyqtyŋ köneden kele jatqan önerın ūrpaq jadynda jaŋǧyrtu bolyp tabylady. Baiqau barysynda körermen köpşılık ony ūiymdastyruşylardyŋ ūlttyq aspaptar mektebınıŋ dästürın saqtap, küidıŋ ūmytylyp bara jatqan oryndauşylyq dästürın qaita tületulerıne kuä bolysty.
Baiqau sonymen bırge, ärine, qobyzda talantty oryndauşylardy anyqtap, olardyŋ şeberlıkterın şyŋdauǧa mümkındık jasady.
Baiqauǧa elımızdıŋ tüpkır-tüpkırınen 12 ümıtker qatysty.
Bas jülde iegerı Äsen Smail- Taldyqorǧan qalasy.
I oryn iegerı Azbaev Ädlet -Almaty qalasy.
II oryn iegerı Qūrmanbek Oljas – Astana qalasy.
III oryn iegerlerı Törehanov Erasyl-Jetısu oblysy jäne Jetpısbaeva Aiaulym- Qaraǧandy oblysynan.
Diplomanttar: Qydyrmūrat Äsel, Sailauova Dana, Erjan Janaiym - Almaty qalasynan, Maidanova Samal-Astana qalasynan.
Arnaiy jüldeler: Qorqyt atyndaǧy jülde iegerı Bolat Arailym- Almaty qalasy, Yqylas atyndaǧy jülde iegerı Altynbekova Gauhar-Qaraǧandy qalasy, Qoilybai äulie atyndaǧy jülde iegerı Qabyl Medet-Ūlytau oblysy.
