Türkiia astanasy Ankara Qazaqstan Prezidentı Qasym-Jomart Toqaevtyŋ resmi saparyna daiyndaldy. Qala köşelerındegı elektrondy ekrandardan ekı el basşysynyŋ portretterı körsetılıp, ǧimarattar Qazaqstan men Türkiianyŋ memlekettık tulary arqyly bezendırıldı. Al Etimesgut äuejaiynda Memleket basşysyn Türkiia Prezidentı Rejep Taiyp Erdoǧannyŋ özı qarsy aldy.
Ankara köşelerındegı daiyndyq barysyn Qazaqstandyq jurnalister äleumettık jelılerde jariialady. Ülken ekrandardan Qasym-Jomart Toqaev pen Rejep Taiyp Erdoǧannyŋ beinelerı körsetılıp, olardyŋ janynda qazaq jäne türık tılderınde qūttyqtau jazulary ornalastyrylǧan.
«Qazaqstan Respublikasynyŋ Prezidentı, Joǧary Märtebelı Qasym-Jomart Kemelūly Toqaev myrza, Türkiiaǧa qoş keldıŋız!» degen jazu qazaq tılınde jariialanǧan.
Qazaqstandyq jurnalist Saiana Sanakova Ankara köşelerındegı körınısterdı körsetıp, Memleket basşysynyŋ saparyna jasalǧan daiyndyqqa nazar audardy.
«Ankaranyŋ basty köşelerınde, ǧimarattardyŋ qasbetterınde bızdıŋ Prezidenttıŋ portretı, al qasynda Qazaqstan men Türkiianyŋ tulary jelbırep tūr», – dedı ol.
Jurnalistıŋ aituynşa, mūndai körınıster resmi kelıssözder bastalmai tūryp-aq Türkiia tarapynyŋ Qazaqstan Prezidentınıŋ saparyna erekşe män berıp otyrǧanyn aŋǧartady.
Qazaqstandyq jurnalist Veronika Vişnevskaia da Toqaevtyŋ saparyna arnalǧan qūttyqtau ekrandarynyŋ kadrlaryn jariialady.
Prezidenttık ūşaq pen qūrmettı qarauyl
Qazaqstandyq delegasiianyŋ Türkiiaǧa kelu sätın Qazaqstan ūlttyq telearnasynyŋ jurnalisı, «Aqorda» baǧdarlamasynyŋ jürgızuşısı Aqdariia Mūhaddas ta körsettı. Jariialanǧan videoda bortynda QAZAQSTAN degen jazuy bar Prezidenttık ūşaq pen onyŋ aldynda sap tüzegen türık qūrmettı qarauyly beinelengen.
Aqordanyŋ mälımetınşe, Etimesgut äuejaiynda Qasym-Jomart Toqaevty Rejep Taiyp Erdoǧan jeke özı qarsy alǧan.
Prezidentter qandai mäselelerdı talqylaidy?
Qasym-Jomart Toqaev Türkiia Prezidentı Rejep Taiyp Erdoǧannyŋ şaqyruymen resmi saparmen bardy. Kezdesu barysynda ekı el arasyndaǧy keŋeitılgen strategiialyq ärıptestıktı odan ärı damytu mäselelerı talqylanady.
Türkiianyŋ A Haber telearnasynyŋ habarlauynşa, kelıssözderde ekıjaqty qarym-qatynastar, energetika, sauda jäne öŋırlık mäselelerge basymdyq berıluı mümkın.
Sapar baǧdarlamasyna säikes, Qazaqstan Prezidentı Türkı memleketterı ūiymynyŋ 13-sammitıne de qatysady.
