Qasym-Jomart Toqaev jyl saiynǧy Qazaqstan halqyna Joldauynda Auǧanstandaǧy jaǧdaiǧa jäne jahandyq şielenıstıŋ örşuıne bailanysty "qorǧanys önerkäsıbı keşenı men äskeri doktrinany qaita jükteu" mındetın qoidy, dep habarlaidy "Adyrna" ūlttyq portaly.
- Qorǧanys qabıletın nyǧaitu, qauıp-qaterlerge den qoiudyŋ jedeldıgın arttyru - memlekettık maŋyzy bar basymdyqtarǧa ainaluy tiıs, - dep mälımdedı Qasym-Jomart Toqaev.Memleket basşysy halyqty "syrtqy küizelısterge jäne oqiǧalardyŋ eŋ naşar ssenariiıne daiyn boluǧa" şaqyrdy. Ol sondai-aq syrttan keletın täuekelderdı modeldeudı qajet dep sanaidy. Prezident stress-testter ötkızudı, ssenariilerdı pysyqtaudy, sonyŋ negızınde memlekettık apparattyŋ josparlary men äreketterın äzırlep, tüzetudı ūsyndy. Esterıŋızge sala keteiık, 15 tamyzda Taliban qozǧalysy (Qazaqstanda tyiym salynǧan qozǧalys) Auǧanstanǧa baqylau ornatqan bolatyn. Prezident Aşraf Ǧani men auǧan otbasylary elden qaşyp kettı. QR Syrtqy ıster ministrlıgınıŋ mälımetınşe, barlyq qazaqstandyqtar elden ketken. Al Qazaqstan Respublikasynyŋ elşısı Älımhan Esengeldiev pen şaǧyn qyzmetkerlerı bolsa, Kabulda qaldy.
"Adyrna" ūlttyq portaly
Ūqsas jaŋalyqtar
