Materıaldyq emes mádenı murany qorǵaý jónindegi Qazaqstannyń ulttyq komıteti usynǵan joba alǵash ret IýNESKO-nyń halyqaralyq qorynan qarajat aldy. Bul týraly Syrtqy ister mınıstrliginiń baspasóz qyzmeti jazdy, dep habarlaıdy «Adyrna» tilshisi.
Uıymnyń shtab-páterinde materıaldyq emes mádenı murany qorǵaý jónindegi úkimetaralyq komıtettiń 19-sessııasy Bıýrosynyń birinshi otyrysy ótti.
Kezdesý barysynda IýNESKO-nyń MEMM qorǵaý qorynan halyqaralyq kómek mehanızmi boıynsha jobalardy qarjylandyrýǵa tórt ótinim qarastyryp, qoldaý tapty.
«Elge 99,6 myń dollar bólindi. Bul aqsha materıaldyq emes mádenı muranyń ulttyq tizimin jańartýǵa jumsalady»,—dep jazdy SIM.
Aıta keteıik, materıaldyq emes mádenı mura nysandaryna qazaqsha kúres, kúı, jyrtqysh qustarmen ańshylyq óneri, Naýryz, dástúrli asyq oıyny jáne basqa da kóptegen ulttyq dástúr jatady.
