Resei Memlekettık Dumasynyŋ qorǧanys komitetı töraǧasynyŋ bırınşı orynbasary Aleksei Juravlev Qazaqstannyŋ NATO standarttaryna sai oq-därı öndırısın ıske qosuyn synǧa aldy. Ol būl äreketterdı «dostyqqa jatpaityn qadam» dep atady, dep habarlaidy «Adyrna» tılşısı Gazeta.Ru-ǧa sılteme jasap.
«Qazaqstan 1992 jyly Soltüstık Atlantikalyq yntymaqtastyq keŋesıne qabyldandy, al 1994 jyly NATO-men «Beibıtşılık jolyndaǧy ärıptestık» dep atalatyn negızdemelık kelısımge qol qoidy. Osy tūsta «NATO nege Qazaqstanǧa sonşalyqty qyzyǧuşylyq tanytyp otyr?» degen sūraq tuyndaidy. Mümkın, Reseimen şekaralas el bolǧandyqtan jäne osy el arqyly kezektı rusofobiialyq forpost qūruǧa bolady degen maqsat bar şyǧar?» — dedı ol.
Juravlevtıŋ pıkırınşe, Qazaqstan bolaşaqta reseilık qaru-jaraqtan bas tartudy közdep otyr.
«Syrttai bauyrlas körınetın respublikanyŋ orys tılınen ǧana emes, kirillisadan da tez bas tartqanyn baiqamauǧa tyrysyp kelemız. Ukrainaǧa qoldau bıldırıp jatqanyn da kördık. Endı, mıne, NATO standartyndaǧy oq-därılerge köşıp jatyr. Būl bolaşaqta reseilık qaru ülgılerınen bas tartyp, olardy batystyq nūsqalarmen almastyrudy josparlap otyrǧanyn aŋǧartady. Astana Reseidıŋ äskeri-önerkäsıp keşenınıŋ eŋ ırı satyp aluşysy bolmaǧan şyǧar, bıraq būl qadamnyŋ özı — sözsız, dostyqqa jatpaityn äreket jäne oǧan tiıstı türde jauap beru qajet. NATO-men mūndai yntymaqtastyqtyŋ Kiev üşın nemen aiaqtalǧanyn bärımız bılemız», — dep atap öttı ol.
Būǧan deiın RTVI arnasy qazaqstandyq joǧary lauazymdy äskeri qyzmetkerdıŋ pıkırın jariialaǧan bolatyn. Onyŋ aituynşa, el äskerınıŋ jauyngerlık qabıletı Qazaqstan aumaǧynda qalǧan keŋes däuırındegı qaru-jaraq qoimalaryna jäne Reseiden jetkızıletın oq-därılerge täueldı bolyp kelgen. Äskeri maman ASPAN jobasy aiasynda NATO standarttaryna köşu üşın artilleriialyq snariadtar men minalar şyǧaratyn tört zauyt salynatynyn habarlady. Sondai-aq ol oq-därı mäselesı 2020 jyly aitarlyqtai jaqsarǧanyn, sol kezde kanadalyq kompaniia Qaraǧandy maŋynda atys qaruyna arnalǧan patron şyǧaratyn zauyt salyp bergenın atap öttı.
