Shymkentte 37 myń adam úı kezeginde, 100 myń adam jer kezeginde tur. Arystyń 40 myńnan astam xalqyna Shymkentten baspana salyp, jer ólshep bere salý da ońaı emes. Eń durysy qarý-jaraq qoımasy tolyq kóshirilip, zalal joq ekenine ábden kóz jetkennen keıin Arysqa oralý. Úkimet úılerin jóndep beremin dep otyr. Shyǵys Qazaqstan oblysy 1000 azamatty qabyldaýǵa daıyn otyr. Arysqa oralýdy qalamaǵan xalyqty memleketimizdiń xalqy az óńirlerinen jer men úı berip qonystandyrý sharalary qolǵa alynǵany durys. Soltústikke, shyǵysqa kelgisi kelmese Arysqa oralsyn.
Al, eger búkil Arysty Shymǵa kóshirip ákelse jer men úı kezeginde turǵan 150 myńǵa jýyq xalyq kóteriledi. Árıne Arys xalqyn túsinemiz. Biraq temir joldyń boıynda ornalasqan qalanyń bolashaǵy bar. Áskerı qoımany kóshirip, túgel jaýyp, qaýipsiz jerge alyp ketkennen keıin Arysqa oralý eń durys sheshim dep oılaımyn. Halyqty da túsinýge bolady. Degenmen memleket basqarý da taýyq ferma basqarý degen sóz emes. Tutas qalany kóshirip ákelý úlken sharýa. Bul jaǵdaıda memleket qaýipsizdik pen qıraǵan úılerdi jóndeýdi, qoımany tolyq kóshirýdi óz moınyna alyp, xalyqtyń ýaqyt óte Arysqa oralǵany eń durys sheshim.
Baýyrjan SERIKBAIEV
"Adyrna" ulttyq portaly
