Qazaqstan AQSh-tyń Taıaý Shyǵystaǵy jaǵdaıdy turaqtandyrý jónindegi bastamasyn qoldady, dep habarlaıdy “Adyrna” ulttyq portaly Syrtqy ister mınıstrliginiń baspasóz qyzmetine siltep.
«Qazaqstan halyqaralyq qaýymdastyqtyń Taıaý Shyǵystaǵy jaǵdaıdy turaqtandyrýǵa baǵyttalǵan kúsh-jigerin tabandy túrde qoldaıdy. «Biz Aq úıdiń bitimgershilik bastamasyn quptaımyz, onyń negizgi erejeleri Izraıl men Hamas arasyndaǵy atysty toqtatý, kepilge alynǵandardy bosatý, gýmanıtarlyq kómek kórsetý jáne halyqaralyq qaýymdastyqtyń qoldaýymen Gaza sektoryn keıinnen qalpyna keltirý», - delingen málimdemede.
Syrtqy ister mınıstrligi usynylǵan sharalar júzege asyrylsa, beıbit turǵyndar arasyndaǵy qantógis pen qurbandyqty toqtatady, sonymen qatar aımaqta beıbitshilikke qol jetkizý úshin alǵysharttar jasaıdy dep úmittenedi.
«Biz uzaq merzimdi qaqtyǵystyń jalǵyz sheshimi «eki halyqqa eki memleket» formýlasy negizinde astanasy Shyǵys Ierýsalım bolatyn Palestına memleketin qurý ekendigi týraly Qazaqstannyń ózgermegen ustanymyn rastaımyz», - dep habarlady Syrtqy ister mınıstrligi.
