Premer-mınıstr Astana aglomeraııasynyń negizgi máselelerine toqtaldy

837
Adyrna.kz Telegram
Foto: primeminister.kz
Foto: primeminister.kz

Qazaqstan Premer-mınıstri Oljas Bektenov 2024 jylǵy 27 aqpandaǵy Úkimet otyrysynda Astana aglomeraııasynyń negizgi problemalary týraly aıtty, dep habarlaıdy "Adyrna" ulttyq portaly Úkimettiń resmı saıtyna silteme jasaı otyryp.

Premerdiń aıtýynsha, Astana aglomeraııasynyń negizgi problemalary qala mańyndaǵy halyq sanynyń kúrt ósýi jáne elordaǵa kúndelikti kelip-ketetin adamdar legi bolyp otyr.

"Bul Astana qalasynyń ınfraqurylymy men ekologııasyna jáne qaýipsizdigine túsetin júktemeni edáýir arttyrady. Adamdar elordaǵa jaqyn mańda turǵysy keledi. Ony túsinýge bolady. Alaıda, mundaı kóshi-qon eńbek naryǵyna áserin tıgizedi, oblysta jumyssyzdyqtyń ósýine yqpal etedi. Sondyqtan, atalǵan máselelerdi sheshý úshin aýqymdy jumys isteýge týra keledi", - dedi Premer-Mınıstr.

Sondaı-aq ol qala mańyndaǵy eldi mekenderge turaqty jumys oryndaryn ashý kerektigin de atap ótti.

"Sondaı-aq 45 aýyldyq eldi-mekenniń árqaısysyna ózindik ekonomıkalyq erekshelik berý qajet. Sol kezde aýyldarmen qatar, Astana qalasy da mal jáne ósimdik sharýashylyǵynyń, qurylys ındýstrııasynyń, sondaı-aq basqa da salalardyń qajetti ónimderimen ózin-ózi qamtamasyz etýge qol jetkize alady", - dedi Oljas Bektenov.

Aıta keteıik, osy máselege qatysty buǵan deıin Astana ákimi Jeńis Qasymbek Astanaǵa kúnine 200 myń adam jumysqa keletinin málimdegen bolatyn.

"Adyrna" ulttyq portaly

Pikirler