Qazaqstan Premer-ministrı Oljas Bektenov 2024 jylǧy 27 aqpandaǧy Ükımet otyrysynda Astana aglomerasiiasynyŋ negızgı problemalary turaly aitty, dep habarlaidy "Adyrna" ūlttyq portaly Ükımettıŋ resmi saityna sılteme jasai otyryp.
Premerdıŋ aituynşa, Astana aglomerasiiasynyŋ negızgı problemalary qala maŋyndaǧy halyq sanynyŋ kürt ösuı jäne elordaǧa kündelıktı kelıp-ketetın adamdar legı bolyp otyr. "Būl Astana qalasynyŋ infraqūrylymy men ekologiiasyna jäne qauıpsızdıgıne tüsetın jüktemenı edäuır arttyrady. Adamdar elordaǧa jaqyn maŋda tūrǧysy keledı. Ony tüsınuge bolady. Alaida, mūndai köşı-qon eŋbek naryǧyna äserın tigızedı, oblysta jūmyssyzdyqtyŋ ösuıne yqpal etedı. Sondyqtan, atalǧan mäselelerdı şeşu üşın auqymdy jūmys ısteuge tura keledı", - dedı Premer-Ministr. Sondai-aq ol qala maŋyndaǧy eldı mekenderge tūraqty jūmys oryndaryn aşu kerektıgın de atap öttı. "Sondai-aq 45 auyldyq eldı-mekennıŋ ärqaisysyna özındık ekonomikalyq erekşelık beru qajet. Sol kezde auyldarmen qatar, Astana qalasy da mal jäne ösımdık şaruaşylyǧynyŋ, qūrylys industriiasynyŋ, sondai-aq basqa da salalardyŋ qajettı önımderımen özın-özı qamtamasyz etuge qol jetkıze alady", - dedı Oljas Bektenov. Aita keteiık, osy mäselege qatysty būǧan deiın Astana äkımı Jeŋıs Qasymbek Astanaǧa künıne 200 myŋ adam jūmysqa keletının mälımdegen bolatyn."Adyrna" ūlttyq portaly
Ūqsas jaŋalyqtar
