Mäskeu Qazaqstan mektepterıne mūǧalım jıberuge daiyn ekenın jetkızdı, dep habarlaidy "Adyrna" tılşısı Russkiymir.ru-ǧa sıltep.
Resei bilıgı orys tılın ılgerıletu maqsatynda orys tılı jäne basqa da pän mūǧalımderın Qazaqstan mektepterıne jıberuge daiyn ekenın aitty.
Alǧaşqy saparyn Reseiden bastaǧan QR Ükımet basşysy Oljas Bektenov 4 nauryz künı Reseidıŋ ükımet üiınde boldy.
Resei premerımen kezdesken Oljas Bektenov gumanitarlyq yntymaqtastyq jäne Qazaqstanda orys tılın ılgerıletu mäselelerın talqylady. Resei ükımetınıŋ basşysy ekı memleket tyǧyz mädeni jäne gumanitarlyq qatynastarmen bailanysty ekenın atap öttı.
Odan bölek bılım salasynyŋ mamandary da jüzdestı. Reseidıŋ Oqu-aǧartu ministrınıŋ orynbasary Denis Gribov pen Qazaqstan Respublikasynyŋ Oqu-aǧartu ministrınıŋ bırınşı orynbasary Natalia Jūmadıldaevanyŋ kezdesuınde Reseidıŋ Qazaqstan pedagogtarynyŋ bılıktılıgın arttyruǧa qatysty bırqatar mäselesı talqylandy.
Kezdesu barysynda "käsıpqoilyq" federaldyq jobasyn ıske asyrudaǧy reseilık täjıribenı zerdeleudıŋ nätijesınde käsıptık bılım beru salasyndaǧy yntymaqtastyq mäselelerı qozǧaldy. Resei tarapy orys tılı men orys tılındegı oqu pänderınıŋ mūǧalımderın Qazaqstan mektepterıne jıberudı ūsyndy.
Söz soŋynda Mihail Mişustin qazaqstandyq tarapqa orys tılın damytyp jatqany üşın rizaşylyǧyn bıldırdı.
Alaida äleumettık jelıde būl jaŋalyqty äjuaǧa ainaldyrǧandar köp. Jelı qoldanuşylary: "Olarǧa erık berseŋ Ükımetın de Qazaqstanǧa köşırıp äkeledı", "Reseidıŋ "qamqorlyǧynan" şyǧa almaityn boldyq qoi", "bız odan da öz ana tılımızdı üireneiık" "Bız orys tılın qazaq tılınen de jaqsy bılemız", "Men orys tılı pänınıŋ mūǧalımımın. Bıraq jūmysqa kıre almai jürmın. Mektepke ornalasu üşın para beru kerek" dep öz pıkırın jarysa jazyp jatyr.
Ūqsas jaŋalyqtar
