Jańa Premer-mınıstr Oljas Bektenovtiń tapsyrmasymen qarjy mınıstrligi 10 kúnde respýblıkalyq bıýdjetke revızııa júrgizetin boldy, dep habarlaıdy “Adyrna” ulttyq portaly Úkimettiń baspasóz qyzmetine silteme jasap.
Bul týraly Premer-mınıstr Úkimettiń jumadaǵy keńeıtilgen otyrysynda aıtty.
«Qarjy mınıstrligi 10 kún ishinde respýblıkalyq bıýdjetke jáne bir aı ishinde jergilikti bıýdjetterdiń barlyǵyna revızııa júrgizip, asa mańyzy joq shyǵystardy aıtarlyqtaı qysqartýy tıis. Eshkim de aqshany orynsyz shashpaýy kerek», – dedi premer.
Sondaı-oq ol Prezıdent bergen tapsyrmalardy iske asyrý týraly máselelerdi pysyqtady.
Bektenov bıýdjet shyǵystary tolyǵymen ekonomıkalyq tabys ákelýge baǵyttalyp, ónimsiz shyǵystar tolyǵymen joıylýy kerek ekenin naqtylady.
“Adyrna” ulttyq portaly
