Aqtöbede jappai ulanu faktısı boiynşa qylmystyq ıs qozǧaldy, dep habarlaidy "Adyrna" ūlttyq portaly.
Oqiǧa Qandyaǧaş qalasynda ornalasqan «Tūmar» meiramhanasynda ötken saltanatty şaradan keiın tırkelgen. Merekelık ıs-şaraǧa qatysqan 102 adam tamaqtan ulanyp, medisinalyq mekemelerge jetkızılgen.
Därıgerler nauqastardyŋ jaǧdaiyn ortaşa auyr dep baǧalap otyr. Aldyn ala mälımet boiynşa, ulanu jaǧdaiyna et önımderı sebep boluy mümkın.
Atalǧan faktı boiynşa sotqa deiıngı tergeu bastalyp, Qylmystyq kodekstıŋ 304-baby — sanitarlyq qaǧidalardy nemese gigienalyq normativterdı būzu deregı boiynşa ıs qozǧaldy. Qajettı tergeu äreketterı jürgızılude.
Sonymen qatar oqiǧany baqylau üşın jedel ştab qūrylyp, audanǧa qosymşa medisinalyq brigadalar jıberılgen. Bailanysta bolǧan adamdar anyqtalyp, därıgerlık baqylauǧa alynuda.
Tergeu nätijesınde oqiǧanyŋ naqty sebepterı anyqtalmaq. Meiramhananyŋ qyzmetı tekseru aiaqtalǧanǧa deiın uaqytşa toqtatylǧan.
