Bas prokuror Berık Asylov Üilestıru keŋesınıŋ otyrysynda söilegen sözınde Astanada Saltanat Nükenovanyŋ ölımıne qatysty ıske qatysty pıkır bıldırdı dep habarlaidy «Adyrna» ūlttyq portaly.
«Aǧymdaǧy jyly otbasylyq-tūrmystyq qūqyq būzuşylyqtar üşın qamauǧa alu merzımı ūlǧaityldy, taraptardy qaita tatulastyruǧa tyiym salyndy. Tūrmystyq zorlyq-zombylyq qūrbandarynyŋ aryz-şaǧymdaryna jauap beru boiynşa polisiianyŋ jūmysy qaita qūryldy. Nätijesınde, üşınşı toqsanda äkımşılık jauapkerşılıkke tartylǧan otbasylyq janjaldardyŋ sany 7 myŋnan 27 myŋǧa deiın östı», - dedı Bas prokuror.Sondai-aq, Berık Asylovtyŋ mälımetınşe, jyl basynan berı Qazaqstanda 80 adam kısı öltırgenı jäne auyr zaqym keltırgenı üşın sottalǧan.
«Jaqynda Astanada Saltanat Nükenovanyŋ öltırıluı internet keŋıstıgın dür sılkındırdı. 150 myŋǧa juyq qazaqstandyq otbasylyq - tūrmystyq zorlyq-zombylyqtan qorǧaudy küşeitu turaly petisiiaǧa qol qoidy», - dep tüiındedı Bas prokuror.9 qaraşada Astanadaǧy meiramhanalardyŋ bırınde auyr dene jaraqatynyŋ saldarynan Saltanat Nükenova qaitys boldy. Sondai-aq eks-ministr Quandyq Bişımbaev ūryp-soǧuǧa küdıktı bolǧanyn habarlaǧan bolatynbyz. Al oqiǧa ornyna kelgen qalalyq densaulyq saqtau basqarmasy därıgerlerı 1992 jyly tuǧan äieldıŋ ölımın rastady. 11 qaraşada Pavlodardaǧy Mäşhür Jüsıp atyndaǧy meşıtte Saltanattyŋ qoştasu räsımı öttı. Keiınnen qaitys bolǧan tūlǧanyŋ būrynǧy qala äkımı Qairat Nükenovke jien bolǧany anyqtaldy. 12 qaraşada Quandyq Bişımbaev ekı aiǧa, sondai-aq Nukenova qaitys bolǧan «Gastro-ortalyqtyŋ» direktory da qamauǧa alyndy. Ol qylmysty jasyrdy dep küdıktenedı. Sonymen qatar Saltanattyŋ tuystary Quandyq Bişımbaevty jauapkerşılıkke tartudy talap etedı. 15 qaraşada Qasym-Jomart Toqaev qūqyq qorǧau organdarynyŋ basşylarymen keŋesıp, eks-ministr Bişımbaevtyŋ äielınıŋ ölımıne qatysty ıstı erekşe baqylauda ūstaudy tapsyrdy.
«Zaŋ bärıne bırdei boluy kerek. Qoǧamdaǧy ädılettılık-būl azamattardyŋ zaŋdylyqty nyǧaitu jolyndaǧy yntymaqtastyǧy. Ädıl Qazaqstan-Zaŋ men tärtıp ornaǧan el» , - dedı Prezident.14 qaraşada polisiia kısı öltıru oryn alǧan meiramhanadaǧy baqylau kameralarynan materialdardy tartyp alǧan. Qyzdyŋ qaitys bolu faktısı boiynşa tört qylmystyq ıs qozǧaldy - 99-bap «kısı öltıru», 434-bap «qylmys turaly habarlamau», 119-bap «qauıpte qaldyru» jäne 432-bap «qylmysty jasyru». 19 qaraşada Saltanat Nükenovanyŋ otbasy mälımdeme jasap, qazaqstandyqtarǧa jügındı.
Ūqsas jaŋalyqtar
